پاکستانی فلم اور ڈرامہ انڈسٹری کی معروف اداکارہ مایا علی نے ملک میں بجلی کے بحران کے باعث بڑھتی لوڈ شیڈنگ پر اپنے ردعمل کا اظہار کیا ہے۔
اے آر وائی ڈیجیٹل کے ڈرامے ”پہلی سی محبت“ میں ”رخشی“ کا کردار نبھانے والی اداکارہ مایا علی نے فوٹو اینڈ ویڈیو شیئرنگ ایپلی کیشن انسٹا گرام پر اپنے غصے کا اظہار کیا۔
مایا علی نے انسٹا گرام اسٹوری پر اندھیرے میں ٹمٹماتی ہوئی موم بتی کی ویڈیو شیئر کرتے ہوئے لکھا کہ جب آپ کے پاس یو پی ایس چارج کرنے کے لیے بھی بجلی نہ ہو۔
مزید پڑھیں: مایا علی نے عثمان خالد سے شادی اور بچوں سے متعلق خاموشی توڑ دی
اداکارہ نے ایک اور اسٹوری میں لکھا کہ پرانے پاکستان میں خوش آمدید جہاں لوڈ شیڈنگ اپنے عروج پر ہے، زندگی پھر اجیرن ہوگئی، پورے دن میں صرف 10 گھنٹے بجلی ملتی ہے۔
مایا علی نے مزید کہا کہ بابرکت رات میں لوگ عبارت کر رہے ہوں گے اور اتنی لوڈ شیڈنگ ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں