پاکستانی فلم اور ڈرامہ انڈسٹری کی معروف اداکارہ مایا علی کا کہنا ہے کہ فلم سازوں کو اپنا حق مانگتے دیکھ کر افسوس ہوتا ہے۔
مایا علی سماجی رابطے کی ویب سائٹ ٹوئٹر پر کافی متحرک رہتی ہیں اور اکثر اپنے خیالات کا کھل کر اظہار کرتی ہیں۔ اس بار انہوں نے پاکستانی فلم انڈسٹری کی صورتِ حال پر تبصرہ کیا ہے۔
مزید پڑھیں: ملک میں بڑھتی لوڈ شیڈنگ پر مایا علی کا ردعمل
سلسلہ وار دو ٹوئٹس میں مایا علی نے کہا کہ یہ دیکھ کر افسوس ہوتا ہے کہ تمام فلم پروڈیوسرز اپنا حق کس طرح مانگ رہے ہیں۔
انہوں نے کہا کہ میں ان تمام فلم سازوں اور اداکاروں کو خراجِ تحسین پیش کرتی ہوں جنہوں نے کورونا وبا کے بعد سینما انڈسٹری کی تعمیرِ نو میں اپنی جان، وقت اور محنت لگائی۔
مایا علی نے لکھا کہ آئیں انڈسٹری کو انفرادیت کی بنیاد پر نہیں بلکہ ساتھ مل کر دوبارہ کھڑی کرتے ہیں۔
It’s sad to see how all the film producers are asking for what they actually deserve. It was just a matter of a week, I appreciate all the producers and actors who put their soul, time and effort into rebuilding a cinema industry especially after “Covid”.
— Maya Ali (@mayaali07) May 11, 2022
مایا علی اے آر وائی ڈیجیٹل کے ڈرامے ”پہلی سی محبت“ میں ”رخشی“ کا کردار نبھا چکی ہیں۔ ان کے مداحوں کی تعداد لاکھوں میں ہے۔
