site
stats
سندھ

سندھ میں میئر اور ڈپٹی میئر کے لیے الیکشن 29 جون کو ہوں گے

کراچی: الیکشن کمیشن نے سندھ کے بلدیاتی انتخابات کے آخری مرحلے میں شہری حکومتوں کے لیے میئر اور ڈپٹی میئر جب کہ ڈسٹرکٹ کونسلز کے چیئرمین اور وائس چیئرمین کے لیے انتخابات 29 جون ہونگے۔

تفصیلات کے مطابق سندھ میں بلدیاتی انتخابات کے دوسرے مرحلے میں مخصوص نشستوں پر انتخابات کے مکمل ہونے کے بعد تیسرے اور آخری مرحلے میں شہری حکومتوں کے لیے میئر اور ڈپٹی میئر جب کہ ڈسٹرکٹ کونسلز کے لیے چئیرمین اور وائس چیئرمین کی نشستوں پر انتخابات کا شیڈول جاری کردیا گیا ہے۔


سندھ میں ہونے والے میئر و ڈپٹی میئر کے انتخابات ملتوی


ذرائع کے مطابق امیدوار 15 اور16 جون کوکاغذات نامزدگی جمع کراسکیں گے،جب کہ کاغذات نامزدگی کی جانچ پڑتال 17 اور 18 جون کو ہو گی،جانچ پڑتال کے دوران تحفظات اور اعتراضات پر اپیلیں 20 اور 21 جون کو نمٹا دی جائیں گی جب کہ کاغذاتَ نامزدگی واپس لینے کی آخری تاریخ 22 جون مقرر کی گئی ہے۔

کاغذات نامزدگی واپس لینے کے بعد اسی روز 22 جون کو امیدواروں کو حتمی فہرست جاری کی جائے گی اور 23 جون کو نتائج جاری کر دیئےجائینگےجس کے بعد کامیاب امیدوار 4 جولائی کو عہدوں کا حلف لیں گے۔

واضح رہے سندھ بلدیاتی الیکشن کا آخری مرحلہ گزشتہ چھ ماہ سے تعطل کا شکار ہیں،عدالت کی جانب سے بار بار تنبہیہ کرنے کے بعد بلاآخر الیکشن کمیشن نے میئر ڈپٹی میئر کے لیے 29 جون کو کرانے کا شیڈول جاری کردیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top