The news is by your side.

Advertisement

میئرکراچی نے کارڈیک سینٹر لانڈھی میں فلٹر کلینک کا افتتاح کر دیا

کراچی: میئر وسیم اختر نے کارڈیک سینٹر لانڈھی میں فلٹر کلینک کا افتتاح کر دیا جہاں کروناوائرس کے مریضوں کا ابتدائی چیک اپ کیا جائے گا۔

تفصیلات کے مطابق کارڈیک سینٹر لانڈھی میں قائم فلٹر کلینک میں کرونا مریضوں کا ابتدائی چیک اپ کو یقینی بنایا جائے گا۔ کارڈیک سینٹر لانڈھی میں فلٹر کلینک 24 گھنٹے کام کرے گا۔

میئر کراچی وسیم اختر کا افتتاح کے موقع پر کہنا تھا کہ فلٹر کلینک میں چوبیس گھنٹے مریضوں کو ممکن سہولتیں فراہم کی جائیں گی۔ 69 وینٹی لیٹرکے ایم سی کے پاس دستیاب ہیں۔

عام افراد کو 10 روپے میں ناشتہ اور 20 روپے میں کھانا فراہم کیا جا رہا ہے، وسیم اختر

انہوں نے بتایا کہ کراچی کے قبرستان کے عملے کے لیے30 حفاظتی لباس فراہم کردیے گئے ہیں۔ سب ایک پیچ پر ہوں گے تو وبا کا مقابلہ کر سکیں گے۔ کرونا سے لڑنے کے لیے ہرممکن اقدامات کیے جارہے ہیں۔

یاد رہے کہ 31 مارچ کو میئر کراچی وسیم اختر نے حکم جاری کیا تھا کہ تمام یوسی چیئرمین شہریوں کو کھانا اور راشن دینے کا انتظام کریں، یوسی 26 کے چیئرمین قیصر امتیاز کا 800 افراد کے روز کھانے کا انتظام مثال ہے، عام افراد کو 10 روپے میں ناشتہ اور 20 روپے میں کھانا فراہم کیا جا رہا ہے۔

fb-share-icon0
Tweet 20

Comments

comments

یہ بھی پڑھیں