کراچی: میئر کراچی وسیم اختر نے انسداد تجاوزات آپریشن پر دھمکیاں ملنے کا انکشاف کیا ہے.
تفصیلات کے مطابق میئر کراچی نے ایک تقریب میں یہ انکشاف کیا کہ انھیں اپنے ماضی کے ساتھیوں کی جانب سے دھمکیاں مل رہی ہیں.
وسیم اختر کا کہنا تھا کہ ایم کیوایم کے پرانے ساتھیوں نے شہر قائد میں چائنا کٹنگ کی.
ان کا کہنا تھا کہ اب تجاوزات ہٹانے پر میرے بچوں کو مارنے کی دھمکیاں دی جارہی ہیں، انھیں موبائل دھمکی آمیز پر پیغامات ملتے ہیں.
میئرکراچی نے بتایا کہ ایمپریس مارکیٹ میں منشیات اورغیر قانونی اسلحہ کا کاروبارہوتا تھا، کسی کو آپریشن سے تکلیف ہے تو کورٹ چلا جائے.
میئر کراچی کا کہنا تھا کہ تجاوزات کے خلاف دھمکیوں کے باوجود آپریشن جاری رہے گا.
مزید پڑھیں: اشتعال انگیز تقریر، 21 مقدمات میں مئیر کراچی وسیم اختر، فاروق ستار سمیت دیگر رہنماؤں پر فردجرم عائد
انھوں نے یہ انکشاف بھی کیا کہ انھیں اپنے پرانے ساتھیوں کی جانب سے دھمکیاں ملی ہیں، جو ماضی میں چائنا کٹنگ میں ملوث تھے.
واضح رہے کہ سپریم کورٹ کے حکم پر پورے شہر میں تجاوزات کے خلاف آپریشن جاری ہے. اس ضمن میں سپریم کورٹ کی جانب سے میئر کراچی کو سراہا بھی گیا، البتہ ایم کیو ایم پاکستان ہی کے ایک دھڑے نے فاروق ستار کی قیادت میں اس پر تحفظات کا اظہار کیا ہے.
