میئر کراچی کو قبضہ کیے گئے پلاٹ پر داخلے سے روک دیا گیا -
The news is by your side.

Advertisement

میئر کراچی کو قبضہ کیے گئے پلاٹ پر داخلے سے روک دیا گیا

کراچی : میئر کراچی وسیم اختر نے شہر قائد کا دورہ کیا۔ اس موقع پرمئیر کو کلفٹن میں قبضہ کئے گئے ایک پلاٹ پر داخل ہونے سے روک دیا گیا، وسیم اختر نے نالے پر قبضہ کی گئی دیواروں کو گرانے کے احکامات جاری کردئیے۔

تفصیلات کے مطابق میئر کراچی وسیم اختر شہر قائد کے دورے پر نکلے اورمختلف نالوں کا جائزہ لیا، کلفٹن میں نہر خیام کے نالے پر قبضہ کئے گئے پلاٹ پرمئیر کراچی نے داخل ہونے کی کوشش کی تو ڈیوٹی پر موجود سکیورٹی گارڈ نے انہیں روک دیا۔ جس کے بعد وسیم اختر نے نالے پر قبضہ کئے گئے پلاٹ کی دیواروں کو فوری طور پر گرانے کے احکامات جاری کردیئے۔

مئیر وسیم اختر کا کہنا تھا کہ کراچی کے نالوں پر بڑ ے بڑے لوگوں نے تجاوزات قائم کر رکھی ہیں، قبضہ مافیا مضبوط ہوتا جارہا ہے۔

صحافی کی جانب سے میئرکراچی سے گجرنالے پر قائم غریبوں کی بستی توڑ نے کا سوال کیا گیا تو وسیم اختر نے کہا کہ پرانی باتوں کی نہیں آج کی بات کریں۔ اس موقع پر مئیرکراچی ایم کیوایم لندن کے حوالے سے کیے گئے سوال پرگفتگو ختم کرکے چلے گئے، مئیر کراچی کے ہمراہ کے ایم سی کے دیگر افسران بھی مو جود تھے۔

Comments

comments

یہ بھی پڑھیں