مزار قائد پر گارڈز کی تبدیلی، نیول کیڈٹس تعینات mazar e quaid
The news is by your side.

Advertisement

مزار قائد پر گارڈز کی تبدیلی، نیول کیڈٹس تعینات

کراچی: پاکستان نیول اکیڈمی کے کیڈٹس نے مزار قائد پر اعزازی گارڈ کے فرائض سنبھال لیے۔

اطلاعات کے مطابق پاکستان نیول اکیڈمی کے کیڈٹس ہر سال 14 اگست کو یہ ڈیوٹی سنبھالتے ہیں، اعزازی گارڈ کی تعیناتی کی تقریب کے مہمان خصوصی کمانڈنٹ پاکستان نیول اکیڈمی کموڈور عدنان احمد تھے۔

اعزازی گارڈ میں دو دستے شامل تھے جن میں ایک دستہ پاکستان نیول اکیڈمی کے 48 بہترین کیڈٹس پر مشتمل تھا جب کہ دوسرا دستہ پاک بحریہ کے مختلف یونٹس سے چنے گئے بہترین سیلرز پر مشتمل تھا۔

پریڈ کمانڈر کے فرائض لیفٹننٹ کمانڈر نبیل نے سر انجام دیے، پریڈ کے دوران مہمان خصوصی کو گارڈ کا معائنہ کروایا گیا اور گارڈ قائد اعظم کو قومی سلام پیش کیا گیا جس کے بعد مہمان خصوصی نے گارڈ تعیناتی کا حکم دیا۔

Comments

comments

یہ بھی پڑھیں