جنیوا: کروناوائرس کی روک تھام کے لیے عالمی ادارہ صحت (ڈبلیو ایچ او) کی ٹیم کل ایران پہنچے گی۔
اے آر وائی نیوز کے مطابق ڈبلیو ایچ او کا کہنا ہے کہ کرونا کو وبائی بیماری قرار دے کر جلدبازی نہیں کرنا چاہتے، اس سے بچاؤ کے لیے اقدامات کررہے ہیں، کرونا وائرس ہم سب کے لیے مشترکہ خطرہ ہے۔
عالمی ادارہ صحت کا مزید کہنا تھا کہ اکھٹے ہو کر ہی کرونا کا مقابلہ اور قابو پایا جاسکتا ہے۔
عالمی ادارہ صحت نے ایران میں کروناوائرس پر تشویش کا اظہار کیا ہے جبکہ عراق اورافغانستان نےایرانی باشندوں کی آمد ورفت محدود کردی ہے۔
ایران میں کروناوائرس سے 5افراد کی موت کی تصدیق، عالمی ادارہ صحت کا اظہارتشویش
اس سے قبل ایرانی وزارت صحت کے حکام نے کہا تھا کہ کرونا وائرس سے متاثرہ مریضوں کو ایرانی شہر قم میں ایک اسپتال میں الگ تھلگ رکھا گیا ہے اور قم میں کرونا وائرس پھیلنے کے خطرے کے پیش نظر تمام تعلیمی ادارے اور جامعات بند کردی گئی ہیں۔ خیال رہے کہ مہلک وائرس آہستہ آہستہ پوری دنیا میں پھیل رہا ہے۔
