The news is by your side.

Advertisement

مکہ کلاک ٹاوربادلوں کی آغوش میں، تصویروائرل ہوگئی

مکہ مکرمہ: سعودی فوٹوگرافر کی مکہ کلاک ٹاور کی بادلوں میں گھری تصویر وائرل ہوگئی ، فوٹوگرافرنے اپنے پیشہ ور کیمرہ کے ذریعے مکہ مکرمہ میں کلاک ٹاور کی تصویر کھینچی جس میں بادل کلاک ٹاور کی چوٹی سے ٹکراتے گزر رہے ہیں۔

تفصیلات کے مطابق فوٹوگرافر محمد البستانی نے عرب ٹی وی سے بات کرتے ہوئے کہا کہ انہوں نے یہ تصویر اس وقت لی جب کلاک ٹاور اور بادل ایک دوسرے سے ہم آغوش ہوئےاور بادلوں نے کلاک ٹاور کے مینار کو چھپا لیا۔

تصویر میں دیکھا جاسکتا ہے کہ صرف کلاک ٹاور کے اوپری حصے پر نصب چاند دیکھا جاسکتا ہے باقی پورا کلاک ٹاور بادلوں سے ڈھکا ہوا نظر آرہا ہے اور یہ منظر یقیناً دیکھنے والوں کو اپنی جانب راغب کرنے والا منظر ہے۔

خیال رہے کہ سعودی عرب کے میٹرولوجیکل ڈپارٹمنٹ کا کہنا ہے کہ مملکت کے مشرقی اور جنوب مغربی حصوں میں رات گئے اور صبح کے اوقات میں دھند بھی چھائی رہے گی۔

فوٹو گرافر البستامی خود بھی فن تعمیر کے ماہر ہیں اور یہی وجہ ہے کہ فن تعمیر سے متعلق مناظر کی عکس بندی ان کا پسندیدہ مشغلہ ہے۔ انہوں نے سعودی عرب کی حکومت کی طرف سے مسجد حرام کے تیسرے شاہ عبداللہ توسیعی منصوبے کی بھی عکس بندی کی ہے ۔

البستانی نے فوٹو گرافی میں اپنے شوق کا آغاز سنہ2009 میں کیا تھا۔ اس نے اپنی تصاویر اندرون اوربیرون ملک ہونے والی نمائشوں پیش کیا اور کئی ایوارڈ حاصل کیے۔

Comments

comments

یہ بھی پڑھیں