The news is by your side.

Advertisement

وزیر اعظم کی ہدایت، کرونا وائرس کی مؤثر آگاہی کے لیے میڈیا اسٹرٹیجی اجلاس طلب

اسلام آباد : وزیر اعظم کی ہدایت پر کرونا وائرس کی مؤثر آگاہی کے لیے میڈیا اسٹرٹیجی اجلاس طلب کرلیا ہے، جس میں آگاہی مہم اوراحتیاطی تدابیرکی تشہیر کی حکمت عملی پرمشاورت ہوگی۔

تفصیلات کے مطابق حکومت نے کرونا وائرس کی روک تھام کے لئے مؤثر میڈیا حکمت عملی کا فیصلہ کرلیا اور وزیر اعظم کی ہدایت پر مؤثر آگاہی کے لیے میڈیا اسٹرٹیجی اجلاس طلب کرلیا ہے ۔

معاون خصوصی اطلاعات فردوس عاشق اعوان اسلام آباد میں اجلاس کی صدارت کریں گی اور اجلاس میں تمام وزرائےاطلاعات شریک ہوں گے جبکہ صوبائی وزرااطلاعات ویڈیو لنک کے ذریعے شریک ہوں گے۔

ذرائع کا کہنا ہے کہ کرونا وائرس کی صورتحال کا جائزہ لیا جائے گا اور کرونا کی روک تھام کے لیے میڈیا اسٹرٹیجی بنائی جائے گی۔

ذرائع کے مطابق آگاہی مہم اوراحتیاطی تدابیرکی تشہیر کی حکمت عملی پرمشاورت ہوگی اور وفاقی اورصوبائی حکومتوں کے اقدامات کی آگاہی کالائحہ عمل طے ہوگا۔

خیال رہے ملک بھرمیں کوروناوائرس کےمریضوں میں مسلسل اضافہ ہوتا جارہا ہے، متاثرہ مریضوں کی تعداد 478 ہوگئی ہے ، پاکستان میں کروناوائرس سےاب تک تین افرادجاں بحق ہوچکے ،جاں بحق افراد کاتعلق کراچی،ہنگواورمردان سےہے جبکہ سندھ میں3،اسلام آبادمیں کوروناوائرس کے2مریض صحتیاب ہوچکے ہیں۔

کرونا وائرس کے سب سے زیادہ 259 کیسز سندھ میں رپورٹ ہوئے ، پنجاب میں 83، بلوچستان 81، کے پی میں 23،اسلام آباد میں 10 کیسز سامنے آئے جبکہ گلگت بلتستان میں21، آزاد کشمیر میں کروناوائرس کا ایک مریض زیر علاج ہیں۔

fb-share-icon0
Tweet 20

Comments

comments

یہ بھی پڑھیں