سروسز اسپتال میں نوازشریف کے آج مزید ٹیسٹ کیے جائیں گے -
The news is by your side.

Advertisement

سروسز اسپتال میں نوازشریف کے آج مزید ٹیسٹ کیے جائیں گے

لاہور: میڈیکل بورڈ کی سفارش پر سابق وزیراعظم میاں نوازشریف کے آج مزید ٹیسٹ کیے جائیں گے۔

تفصیلات کے مطابق لاہور کے سروسز اسپتال میں نوازشریف کا آج الٹرا ساؤنڈ اور دیگر ٹیسٹ کیے جائیں گے، ٹیسٹ رپورٹس آنے پر آج دوبارہ میڈیکل بورڈ بیٹھے گا۔

سابق وزیراعظم میاں نوازشریف کے دل کے معائنے کے لیے پی آئی سی کے ڈاکٹرز آج ٹیسٹ کریں گے۔

خیال رہے کہ گزشتہ روز سروسز اسپتال میں مسلم لیگ ن کے قائد نوازشریف کے لیے وی آئی پی کمرہ مختص کیا گیا تھا اور میڈیکل بورڈ نے نوازشریف کا طبی معائنہ بھی کیا تھا۔

نوازشریف کو کوٹ لکھپت جیل سے سروسز اسپتال پہنچا دیاگیا

یاد رہے کہ 30 جنوری کو چھ رکنی میڈیکل بورڈ نے دو گھنٹے تک کوٹ لکھپت جیل میں نواز شریف کا طبی معائنہ کیا تھا، میڈیکل بورڈ میں ڈاکٹر طلحہ بن زبیر، پروفیسر ڈاکٹر شاہد حمید ،ڈاکٹر سجاد احمد اور دیگر ڈاکٹر کی ٹیم شامل تھی جبکہ میڈیکل چیک اپ کے موقع پر نواز شریف کے ذاتی معالج ڈاکٹر عدنان بھی موجود تھے۔

میڈیکل بورڈ نے سابق وزیر اعظم نواز شریف کا بلڈ پریشر ، ای سی جی اور خون کے نمونے حاصل کیے جبکہ نواز شریف کے ذاتی معالج ڈاکٹر عدنان نے میڈیکل بورڈ کو نواز شریف دل کی بیماری سے متعلق ہسٹری پر بریفنگ دی تھی۔

واضح رہے کہ سابق وزیراعظم نوازشریف احتساب عدالت کی جانب سے العزیزیہ اسٹیل ملز ریفرنس میں سنائی گئی 7 سال قید کی سزا کاٹ رہے ہیں۔

Comments

comments

یہ بھی پڑھیں