The news is by your side.

Advertisement

نواز شریف اور مریم نواز کے طبی معائنے کیلئے میڈیکل بورڈ تشکیل

اسلام آباد : ایوان فیلڈ ریفرنس میں سزا یافتہ نواز شریف اور مریم نواز کے طبی معائنے کیلئے میڈیکل بورڈ تشکیل دے دیا گیا، میڈیکل بورڈ طبی معائنے پر مشتمل رپورٹ نیب کو دے گا، جس کے بعد دونوں کو جیل منتقل کیا جائے گا۔

تفصیلات کے مطابق ایوان فیلڈ ریفرنس میں سزا یافتہ نواز شریف اور مریم نواز کے طبی معائنے کیلئے میڈیکل بورڈ تشکیل دے دیا گیا، بورڈ اڈیالہ جیل میں نواز شریف اور مریم نواز کا طبی معائنہ کرے گا۔

ذرائع کا کہنا ہے کہ میڈیکل بورڈ پولی کلینک اسپتال کے سینئر ڈاکٹرز پر مشتمل ہے، کنسلٹنٹ فزیشن ڈاکٹر آصف خصوصی میڈیکل بورڈ کے چیئرمین ہوں گے جبکہ شعبہ نیفرالوجی، میڈیسن، امراض قلب کے ڈاکٹرز میڈیکل بورڈ میں شامل ہیں اور ڈاکٹر حامد اقبال، ڈاکٹر امتیاز احمد، ڈاکٹر عاصمہ کیانی بھی بورڈ کا حصہ ہیں۔

ذرائع کے مطابق خصوصی میڈیکل بورڈ نیب کی درخواست پرتشکیل دیا گیا ہے، خصوصی میڈیکل بورڈ آج شام6بجے جدید طبی آلات اور ایمبولینس کے ہمراہ اڈیالہ جیل روانہ ہوگا۔

بورڈ نوازشریف اور مریم نواز کے طبی معائنے پر مشتمل رپورٹ نیب کو دے گا اور میڈیکل بورڈرپورٹ کے بعد نواز شریف،مریم نواز کو جیل منتقل کیا جائے گا۔

دوسری جانب  نوازشریف اور مریم نواز کی وطن واپسی پر گرفتاری کے لیے تمام تر تیاریاں مکمل کر لی گئیں ہیں، ان کا طیارہ آج شام سوا چھے بجے لاہور ائیرپورٹ پر اترے گا۔

وزارت داخلہ نے نیب ٹیم کو ایپرن تک جانے کی اجازت دے دی ہیں، نیب افسران خود نواز شریف اور مریم نواز کی امیگریشن کرائیں گے اور ہوائی اڈے پر ہی گرفتاری کے بعد ہیلی کاپٹر کے ذریعے اڈیالہ جیل پہنچایا جائے گا تاہم مچھ جیل اور دیگر جیلوں میں منتقلی کے آپشنز بھی زیرغور ہیں۔

نیب ٹیم کی سربراہی ڈائریکٹرامجد علی اولکھ کریں گے جبکہ مریم نوازکو نیب ٹیم میں شامل خواتین افسران حفضہ شیخ اور حاجرہ فرخ سعید گرفتار کریں گی، ٹیم میں شامل دیگرافسران میں چوہدری اصغر، اللہ رکھا سلطان ، نذیر احمد رضا اور کیس کے تفتیشی افسر عمران ڈوگر بھی نیب ٹیم میں شامل ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں