The news is by your side.

دعا زہرا کی عمر کے تعین کیلئے میڈیکل بورڈ تشکیل

کراچی : محکمہ صحت نے دعا زہرا کی عمر کے تعین کیلئے میڈیکل بورڈ تشکیل دے دیا ، میڈیکل بورڈ کی سربراہ ڈاؤ میڈیکل کالج کی پرنسپل پروفیسر صبا سہیل ہوں گی۔

تفصیلات کے مطابق دعا زہرا کی عمر کے تعین کے معاملے پر دعا کے والد مہدی کاظمی کی درخواست پر محکمہ صحت نے میڈیکل بورڈ تشکیل دے دیا۔

محکمہ صحت نے بورڈ کی تشکیل سے عدالت کو آگاہ کردیا ہے ، میڈیکل بورڈ کی سربراہ ڈاوٴ میڈیکل کالج کی پرنسپل پروفیسر صبا سہیل ہوں گی۔

میڈیکل بورڈ میں سیکریٹری ایم ایس سروسز اسپتال اور پولیس سرجن سمیت آغا خان اسپتال اور سول اسپتال کے ماہرین بھی شامل ہیں۔

ایم ایس سروسز اسپتال نے عدالت سے دعا زہرا کو چیک اپ کے لئے پیش کرنے کے احکامات جاری کرنے کی استدعا کرتے ہوئے کہا ہے کہ عدالت دعا زہرا کو 29 جون کو دوپہر 12:30 کوپیش کرنے کے احکامات جاری کرے۔

مزید پڑھیں : دعا زہرا کی عمر کا تعین : کیس میں نیا موڑ آگیا

یاد رہے عدالت نے سیکریٹری صحت کو دعا زہرا کی عمر کے تعین کے لیے دوبارہ میڈیکل بورڈ بنانے کا حکم دیتے ہوئے کیس کی مزید تفتیش کا بھی حکم دیا تھا۔

وکیل مدعی مقدمہ نے بتایا تھا کہ دعا زہرا کے عمر 17 سال قرار دے کر مقدمہ سی کلاس کردیا ہے ،عمر کے تعین سے میڈیکل بورڈ تشکیل دئیے بغیر کیس کا سی کلاس میں منظور کرلیا جاتا ہے تو سپریم کورٹ کے آرڈر کا کیا ہوگا۔

Comments

یہ بھی پڑھیں