The news is by your side.

Advertisement

نواز شریف کی نئی میڈیکل رپورٹس کا جائزہ لینے کیلئے میڈیکل بورڈ تشکیل

لاہور : سابق وزیر اعظم نواز شریف کی نئی میڈیکل رپورٹس کا جائزہ لینے کیلئے میڈیکل بورڈ تشکیل دے دیا گیا ، بورڈ 5 دن میں رپورٹ پیش کرے گا۔

تفصیلات کے مطابق سابق وزیراعظم نوازشریف کی نئی میڈیکل رپورٹس کا جائزہ لینے کیلئے میڈیکل بورڈ تشکیل دے دیا ہے ، ذرائع محکمہ داخلہ کا کہنا ہے کہ اٹارنی جنرل آفس کی ہدایت پر محکمہ داخلہ نے دستاویزاسپیشلائزڈہیلتھ کو بھجوادیں۔

ذرائع نے بتایا کہ سیکریٹری اسپیشلائزڈ ہیلتھ میڈیکل بورڈ کو ہائی کورٹ میں جمع دستاویزبھجوائے گا، جس کے بعد 9رکنی بورڈمیڈیکل رپورٹس کےجائزے پر 5 دن میں رپورٹ پیش کرے گا۔

محکمہ داخلہ کا کہنا ہے کہ ڈاکٹرفیاض شال نے نوازشریف کی صحت پر ہائیکورٹ میں28جنوری کو نئی دستاویزجمع کرائی ، پنجاب حکومت کے میڈیکل بورڈ کو نواز شریف کی نئی دستاویز بھجوادی گئیں۔

پنجاب حکومت کے قائم میڈیکل بورڈ نے نواز شریف کی مزید رپورٹس طلب کی تھیں جبکہ اٹارنی جنرل آفس کی جانب سے خط میں کہا گیا نئی دستاویز پر بورڈ سے رائے لی جائیں۔

یاد رہے سابق وزیراعظم نواز شریف کی تازہ میڈیکل رپورٹس سامنے آئیں تھیں ، جس میں ڈاکٹر نے نواز شریف کو مکمل ٹھیک نہ ہونے تک سفر نہ کرنے کی تجویز دیتے ہوئے کہا تھا بغیر علاج واپس جا کر قید کاٹنا اور بیوی کے انتقال کا صدمہ دل کا مرض بڑھاسکتی ہے۔

رپورٹ میں کہا گیا تھا کہ کورونا کی موجودہ صورتحال کے پیش نظر انھیں ہر گز سفر نہیں کرنا چاہیے اور ایئرپورٹ،عوامی مقامات پر ہرگز نہ جائیں اور جب تک نواز شریف کی کارنری انجنیو مکمل نہ ہو، اسپتال سے دور نہ جائیں، کورونا اورمختلف امراض کی وجہ سے نواز شریف کی زندگی کو خطرات ہیں۔

Comments

یہ بھی پڑھیں