The news is by your side.

Advertisement

سعودی عرب میں ویزے سے قبل میڈیکل انشورنس لازمی قرار

ریاض: سعودی حکام نے کسی بھی قسم کے ویزے کے حصول کے لیے میڈیکل انشورنس کو ضروری قرار دے دیا۔

سعودی ذرائع ابلاغ کے مطابق سعودی حکام بالا کے جاری کردہ بیان میں کہا گیا ہے کہ سعودی عرب کے ویزے کے حصول کے لیے میڈیکل انشورنس کو ضروری قرار دیا گیا ہے۔

رپورٹ کے مطابق حج اور علاج کی غرض سے آمد کے علاوہ تمام قسم کے ویزوں کے حصول کے لیے میڈیکل انشورنس کو لازمی قرار دے دیا گیا ہے تاہم سفارتی پاسپورٹ کے حامل افراد اس سے مستثنیٰ ہوں گے۔

نئے فیصلے پر عمل درآمد تین ماہ کے بعد ہوگا، اس فیصلے کا مقصد سعودی عرب میں دوران قیام بیمار ہونے کی صورت میں مذکورہ شخص کے علاج کو ممکن بنانا ہے۔

واضح رہے کہ چند روز قبل سعودی حکومت نے پاکستانیوں کے لیے ویزا فیس میں کمی کا اعلان کیا تھا، پاکستانیوں کے لیے فیسوں میں کمی کا اطلاق 15 فروری سے کیا گیا تھا۔

مزید پڑھیں: سعودی عرب نے پاکستانیوں کے لیے ویزا فیس میں کمی کا اعلان کردیا

پاکستانی شہری پہلے سنگل انٹری کے لیے 2 ہزار ریال اور ملٹی پل انٹری کے لیے 3 ہزار ریال روپے ادا کرتے تھے۔

پاکستانی شہری اب 2 ہزار ریال کی بجائے محض 338 ریال کی رقم ادا کرکے سعودی عرب کا ویزا باآسانی حاصل کرسکیں گے۔

رپورٹ کے مطابق سنگل انٹری فیس 338 ریال جبکہ ملٹی پل ویزا فیس 675 ریال کردی گئی ہے، دوسری جانب پاکستانی شہریوں نے بھی سعودی شہریوں اور تاجروں کے لیے ویزا فیس میں کمی کردی ہے، اس فیصلے کا اطلاق پہلے ہی کیا جاچکا ہے۔

Comments

comments

یہ بھی پڑھیں