The news is by your side.

Advertisement

طیبہ پر تشدد کی تصدیق، طبی رپورٹ تیار

اسلام آباد: تشدد کی شکار بچی طیبہ کی میڈیکل رپورٹ تیار کرلی گئی جس کے مطابق بچی پر تشدد کیا گیا ہے اور اس کے بازو، ٹانگوں، کمر اور آنکھوں کے گرد مار پیٹ اور جھلسنے کے نشانات ہیں۔

اس حوالے سے اے آر وائی نیوز کے نمائندے جہانگیر خان نے بتایا کہ طیبہ تشدد کیس میں جو دوسرا میڈیکل بورڈ بنا ہے اس نے اپنی رپورٹ تیار کرلی ہے، یہ رپورٹ پمز اسپتال کے 4 رکنی میڈیکل بورڈ نے تیار کی ہے جس میں گزشتہ ایم ایل سی کی رپورٹ کو بھی ملحوظ خاطر رکھا گیا ہے اور اس رپورٹ کی توثیق بھی کردی گئی ہے۔


طیبہ تشدد کیس، سماعت کل سپریم کورٹ میں ہو گی


نئی رپورٹ میں بچی کے جسم پر زخموں کی تصدیق کردی گئی ہے، بازو، ٹانگوں، کمر اور آنکھوں کے گرد نشانات پائے گئے ہیں جو کہ جھلسنے سمیت مختلف نوعیت کے ہیں۔


کمسن ملازمہ طیبہ کوچارروزبعد بازیاب کرالیا گیا


رپورٹ میں یہ بھی بتایا گیا ہے کہ ماہر نفسیات نے بچی کا معائنہ کے بعد کہا ہے کہ بچی کا ذہنی توازن بالکل درست ہے تاہم وہ دباؤ کا شکار ہے لیکن اس کی ذہنی حالت میں بتدریج بہتری آرہی ہے اور شاک کی کیفیت ختم ہورہی ہے۔


طیبہ تشدد کیس: کمسن ملازمہ کا میڈیکل چیک اپ مکمل


رپورٹ میں کہا گیا ہے کہ کمر پر موجود نشان سے نہیں لگتا کہ یہ چوٹ گرنے سے لگی ہے، چوٹوں کے نشانات جسم کے مختلف حصوں پر موجود ہیں جن میں کمر اور داہنے ہاتھ کی کلائی بھی شامل ہیں۔

Print Friendly, PDF & Email

Comments

comments

یہ بھی پڑھیں