ادویات کے تاجروں نے کل بروزپیرہڑتال کا اعلان کردیا -
The news is by your side.

Advertisement

ادویات کے تاجروں نے کل بروزپیرہڑتال کا اعلان کردیا

کراچی / ملتان : ہومیو اور ہربل ادویات کا کاروبار کرنے والے تاجروں نے کل ہڑتال اعلان کردیا، ملتان کے بعد کراچی میں بھی تمام میڈیسن مارکیٹیں بند رہیں گی، ہول سیل کیمسٹ کونسل آف پاکستان کے عہدیداران کا کہنا ہے کہ پنجاب حکومت نےترامیم واپس نہ لیں توغیرمعینہ مدت تک ہڑتال ہوگی۔

تفصیلات کے مطابق پنجاب ڈرگ رولز میں من مانی ترامیم ڈرگ ایکٹ کے خلاف پیر کو ملتان کے بعد کراچی میں بھی تمام میڈیسن مارکیٹیں بند رکھی جانے کا اعلان کیا گیا ہے، جس میں پی سی اے،پی پی ایم اے، پی پی اے،پی ڈی اے، سی پی اے سمیت ہول سیل کیمسٹ کونسل بھی شریک ہوگی، غیرمعینہ مدت کے ہڑتالی بینر میڈیسن مارکیٹوں میں آویزاں کر دیئے گئے۔

اس حوالے سے ہول سیل کیمسٹ کونسل آف پاکستان کے صدر عاطف بلو نے اعلان کیا ہے کہ میڈیسن مارکیٹ ایم اے جناح روڈ پراحتجاجی مظاہرہ کیا جائے گا۔ حکومت نے ترامیم واپس نہ لیں تو کراچی تا خیبر ادویات کے لاکھوں تاجر غیر معینہ مدت کے لئے کاروبار بند کرنے پر مجبور ہوں گے۔

وفاقی اور صوبائی حکومتیں ڈرگ ایکٹ میں کسی بھی ترامیم سے قبل اسٹیک ہولڈرز کو مکمل اعتماد میں لیں، عاطف بلو کا کہنا تھا کہ پنجا ب حکو مت تا جر دشمنی کر رہی ہے۔

دوسری جانب ملتان ہول سیل کیمسٹ کونسل کے صدر محمد اختربٹ نے اے آر وائی نیوز سے بات کرتے ہوئے کہا کہ پنجاب ڈرگ رولز میں من مانی ترامیم کے خالف پیر کے روز شہر میں تمام میڈیسن مارکیٹیں احتجاجاً بند کر دی جائیں گی۔

انہوں نے کہا کہ ڈرگ ایکٹ 2017 جیسے کالے قانون کے تحت حکومت ہزاروں افراد کا معاشی قتل کرکے میڈیسن کے کاروبار پر قبضہ کرنا چاہیتی ہے جو کہ کسی صورت قابل قبول نہیں۔

محمد اختر بٹ نے کہا کہ میڈیسن مارکیٹ ہڑتال کو ناکام بنانے کے لیے میڈیکل اسٹورز بند رکھنے کی صورت میں اسٹور مالکان کو سنگین نتائج کی دھمکیاں دی جارہی ہیں جس کی پر زور مذمت کرتے ہیں، انہوں نے کہا کہ اگر کسی قسم کی روز زبردستی کی گئی تو حالات کی ذمہ دار انتظامیہ ہوگی۔

Comments

comments

یہ بھی پڑھیں