The news is by your side.

Advertisement

معدہ کے امراض میں استعمال ہونے والی دوا کینسر کا سبب

لاہور : امراض معدہ میں استعمال ہونے والی دوائی رینٹڈین کینسر کا سبب بن سکتی ہے ، دوائی مارکیٹ سے واپس اٹھانے کے احکامات جاری کر دئیے گئے ہیں۔

تفصیلات کے مطابق ڈرگ ریگولیٹری اتھارٹی نے ملک بھر میں معدہ کے امراض میں استعمال ہونے والی دوائی کے فارمولے رینٹڈین کے استعمال کو ترک کرنے کا الرٹ جاری کر دیا ہے۔

ڈرگ ریگولیٹری اتھارٹی آف پاکستان کی طرف سے فار ماسوٹیکلز کمپنیوں و ڈسٹریبیوٹرز کو رینٹڈین دوائی مارکیٹ سے واپس اٹھانے کے احکامات جاری کر دئیے گئے ہیں۔

مراسلے میں کہا گیا ہے کہ امریکی ادارے ایف ڈی اے( FDA) کے رپورٹ کے مطابق اس جنرک فارمولے میں کینسر پیدا کرنے کے کچھ اجزاء پائے گئے ہیں، رینی ٹی ڈین فارمولے کے تحت تیار دوا کینسر کا سبب بن سکتی ہے۔

ڈرگ ریگولیٹری اتھارٹی کے مراسلے میں مزید کہا گیا دوا کے متبادل کے لیے ڈاکٹر سے رجوع کیا جائے۔

Comments

comments

یہ بھی پڑھیں