hasil-bazinjo وزیراعظم استعفیٰ نہ دیں حالات کا ڈٹ کرمقابلہ کریں، میرحاصل بزنجو
The news is by your side.

Advertisement

وزیراعظم استعفیٰ نہ دیں حالات کا ڈٹ کرمقابلہ کریں، میرحاصل بزنجو

کراچی: نیشنل پارٹی کے رہنما اور وفاقی وزیر پورٹس اینڈ شپنگ میرحاصل بزنجو نے کہا ہے کہ پانامہ کیس کی جے آئی ٹی رپورٹ بد دیانتی پر مبنی ہے، وزیر اعظم نوازشریف استعفیٰ نہ دیں اورحالات کا ڈٹ کرمقابلہ کریں۔

ان خیالات کا اظہار انہوں نے کراچی میں مسلم لیگ (ن) کے مرکزی رہنما شاہ محمد شاہ کی رہائش گاہ پر ایک پریس کانفرنس سے خطاب کرتے ہوئے کیا۔

حاصل بزنجو نے کہا کہ کچھ قوتیں اٹھارہویں ترمیم کو ختم کرنا چاہتی ہیں اور یہ وہی قوتیں ہیں جو وزیر اعظم نواز شریف کیخلاف سازشیں کر رہی ہیں، ان کا کہنا تھا کہ18ویں ترمیم کو رول بیک نہیں ہونے دینگے اس وقت پاکستان کیخلاف نئی پالیسیاں بن رہی ہیں، ملک کو اندرونی طور پر کمزور کرنے کے نتائج اچھے نہیں ہوں گے۔

انہوں نے کہا کہ وزیر داخلہ چوہدری نثار کھرے انسان ہیں وہ نواز شریف کا ہمیشہ ساتھ دیں گے، سب نواز شریف کو چھوڑ سکتے ہیں لیکن چودھری نثار نہیں۔

 انہوں نے کہا کہ پاناما کرپشن کا نہیں سیاسی کیس ہے اس لیے جے آئی ٹی رپورٹ بد نیتی پر مبنی ہے جو نواز شریف پر کرپشن کا ایک دھیلا بھی ثابت نہیں کر سکی، ایسی جے آئی ٹی سے تو نااہل ہی ہونا ہے، اب صادق اور امین کے مطلب ہی بدل چکے ہیں اگر مطلب سمجھ آجائے تو سب نااہل ہوجائیں گے۔

ایک سوال کے جواب میں وفاقی وزیر کا کہنا تھا کہ وزیر اعظم نواز شریف نے یقین دلایا ہے کہ وہ سپریم کورٹ کے فیصلے پر عمل کریں گے، ملک میں جمہوریت کو خطرہ ہوا تو بہت بڑا نقصان ہوگا۔

میر حاصل بزنجو نے کہا کہ چند پارٹیوں کے علاوہ ملک کی تمام سیاسی جماعتیں نواز شریف کے ساتھ ہیں وزیر اعظم پارلیمنٹ کی بالا دستی کیلئے ڈٹے ہوئے ہیں۔

Comments

comments

یہ بھی پڑھیں