The news is by your side.

Advertisement

میرشکیل الرحمان کی گرفتاری کیلئے پولیس کا صوبائی محکمہ داخلہ کوخط

ایبٹ آباد : پولیس نے توہین اہل بیت کیس میں جیو کےمالک میرشکیل الرحمان کی گرفتاری کیلئےصوبائی محکمہ داخلہ کوخط لکھ دیا۔

تفصیلات کے مطابق عدالتی احکامات کے بعد ایبٹ آباد پولیس حرکت میں آگئی۔ توہین اہل بیت کیس کےملزمان میر شکیل الرحمان،شائستہ لودھی، وینا ملک اوران کے شوہراسد خٹک کی گرفتاری کیلئے صوبائی محکمہ داخلہ سے اجازت مانگ لی۔

ملزمان کی گرفتاری کیلئےپختونخوا سرکارکوخط چند روز قبل جوڈیشل مجسٹریٹ تھری شوکت اللہ کی عدالت نے عبدالرؤف ایڈووکیٹ کی دائر درخواست کی سماعت کرتے ہوئے، تمام ملزمان میر شکیل الرحمان، شائستہ لودھی، وینا ملک اور اسد خٹک کی گرفتاری کیلئے ڈی پی او ایبٹ آباد اور متعلقہ تھانہ کے ایس ایچ او کو احکامات جاری کرنے کے ساتھ ساتھ میر شکیل سمیت تمام ملزمان کی جائیداد قرق کرنے کیلئے بھی تفصیلات طلب کی تھیں۔

عدالتی حکم پر عمل در آمد کیلئے پولیس نے محکمہ داخلہ خیبر پختو نخواہ کو خط لکھ کر ملزمان کی گرفتاری کی اجازت مانگی ہے۔

ذرائع کےمطابق خط کےساتھ عدالتی فیصلہ کی نقول اوراشتہاری قراردئیےجانےکا فیصلہ بھی ارسال کیا گیا ہے، محکمہ داخلہ کے پی کے کی اجازت کے بعد ہی پولیس ملزمان کی گرفتاری عمل میں لاسکتی ہے۔

قانون کے مطابق ایک صوبہ سے دوسرے صوبہ میں ملزمان کی گرفتاری کیلئے محکمہ داخلہ کی پیشگی اجازت لینا لازمی ہے۔

Print Friendly, PDF & Email

Comments

comments

یہ بھی پڑھیں