The news is by your side.

Advertisement

دلتوں کی تضحیک کرنے پر بھارتی اداکارہ گرفتار

بھارتی اداکارہ کو دلت برادری کے خلاف ہتک آمیز زبان استعمال کرنے کی پاداش میں گرفتار کرلیا گیا ہے۔

میڈیا رپورٹ کے مطابق بھارتی اداکارہ میرا متھن کو دلت برادری کے خلاف ہتک آمیز زبان استعمال کرنے اور گرفتاری کے لئے آئی پولیس پارٹی کو دھمکانے پر گرفتار کیا گیا ہے۔

میرا متھن نے اپنے ایک بیان میں کہا تھا کہ دلت برادری سے تعلق رکھنے والے افراد جرائم اور غیر قانونی سرگرمیوں میں ملوث ہیں اور اسی وجہ سے انھیں مسائل کا سامنا رہتا ہے، ساتھ ساتھ یہ بھی کہہ ڈالا تھا کہ اس ذات سے تعلق رکھنے والوں کو تامل فلم انڈسٹری سے باہر نکال دیا جائے۔

یہ متنازعہ بیان ان کی مشکلات میں اضافے کا سبب بنا، بھارتی اداکارہ کے خلاف دلتوں کے لیے کام کرنے والی ایک جماعت کے رہنما نے درخواست جمع کروائی تھی، معاملہ پولیس تک پہنچنے پر میرا متھن کی سوشل میڈیا پر ایک ویڈیو سامنے آئی جس میں انہوں کہا کہ انہیں پولیس کی جانب سے ہراساں کیا جارہا ہے۔

یہ بھی پڑھیں: بھارتی اداکارہ منشیات سمیت گرفتار

بھارتی اداکارہ میرا متھن نے دھمکی دی کہ اگر پولیس نے ان پر ہاتھ ڈالنے کی کوشش کی تو وہ اپنی جان لے لیں گی، کیس سے جان چھڑانے کے لئے میرا نے تامل ناڈو کے وزیراعلیٰ ایم کے اسٹالین اور بھارتی وزیراعظم نریندر مودی سے مدد کی اپیل بھی کی تھی تاہم ان کی کوششیں بے کار ثابت ہوئیں اور تمام ہتھکنڈوں کے باوجود انہیں پولیس نے گرفتار کرلیا۔

Comments

یہ بھی پڑھیں