The news is by your side.

Advertisement

میری فلم ’’ ہوٹل ‘‘ کی کہانی اب تک آنے والی فلموں سے مختلف ہے: اداکارہ میرا

لاہور: اداکارہ میرا اپنی نئی فلم ہوٹل کی پروموشن کے لئے ڈی ایچ اے سینما پہنچ گئیں۔

تفصیلات کے مطابق اداکارہ میرا اپنی نئی فلم ’’ ہوٹل ‘‘ کی پروموشن کے لئے ڈی ایچ اے سینما پہنچ گئیں، اس موقع پر میرا کا کہنا تھا کہ ’’ فلم ہوٹل ایک مختلف موضوع پر بنائی گئی ہے۔

ان کا مزید کہنا تھا کہ فلم ’’ ہوٹل ‘‘ کو نہ صرف سیاستدانوں بلکہ اسکولز اور کالجز کی طالبات کو بھی لازمی دیکھنا چاہئیے۔

اس موقع پر انہوں نے پاکستانی ناظرین پر زور دیا کہ ان کی نئی فلم تیرہ مئی کو ریلیز کی جا چکی ہے، جسے ضرور دیکھیں۔

میرا نے کراچی کے ڈراموں پر تنقید کرتے ہوئے کہا کہ سینئر فنکاروں کو کراچی میں عزت نہیں دی جاتی، فلموں کے نام پر ڈرامے فروخت کیے جارہے ہیں۔

معروف اداکارہ میرا نے فلم انڈسٹری کو خیر باد کہنے کا اعلان کردیا،

 واضح رہے فلم ہوٹل کی ہدایت کاری خالد حسن نے کی ہے، جبکہ اداکاری کے فرائض طارق جمال، بیلا ناز، انیس راجہ، نسرین جان اور مریم دھماتی نے انجام دیے ہیں۔

یاد رہے کہ  میرا نے کراچی ایئرپورٹ پر صحافیوں سے بات کرتے ہوئے اپنے مداحوں کو مشورہ دیا کہ وہ پی ٹی آئی کے جلسے میں جانے کے بجائے ان کی ریلیز ہونے والی فلم ’’ہوٹل‘‘ دیکھیں،انہیں فلم ضرور پسند آئے گی۔

 

Comments

comments

یہ بھی پڑھیں