شوبز انڈسٹری کی معروف اداکارہ و ماڈل میرب علی نے بالوں کی کٹنگ کے پیچھے چھپے راز سے پردہ اٹھا دیا۔
فوٹو اور ویڈیو شیئرنگ ایپ انسٹاگرام پر اداکارہ میرب علی نے تصاویر شیئر کیں جس میں دیکھا جاسکتا ہے کہ میرب علی اپنے بال چھوٹے کروالیے ہیں۔
میرب نے کیپشن میں لکھا کہ ’حادثاتی طور پر اپنے بال اتنے چھوٹے کرلیے ہیں مگر یہ ہیئر اسٹائل پسند آرہا ہے۔‘
اس پوسٹ پر میرب علی کے منگیتر، معروف گلوکار عاصم اظہر نے بھی تبصرہ کیا تھا۔
عاصم اظہر کا میرب علی کے نئے ہیئر کٹ سے متعلق کہنا تھا کہ اگر یہ ہیئر کٹ اتنا اچھا لگ رہا ہے تو یہ کوئی حادثہ نہیں ہے۔
بعد ازاں میرب علی نے ایک لائیو سیشن میں بالوں کے ہیئر کٹ سے متعلق پوچھے گئے سوال پر جواب دیتے ہوئے بتایا کہ وہ جب بھی اداس ہوتی ہیں اپنے بال کاٹ لیتی ہیں۔
میرب علی کا اپنے ویڈیو سیشن میں بتانا تھا کہ اُنہیں اپنے بال کاٹ کر اچھا لگتا ہے، وہ اداس ہوتی ہیں تو بال کاٹ کر اچھا محسوس کرتی ہیں۔
میرب علی سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
