The news is by your side.

’موسم سرما کا سورج‘ میرب علی نے نئی تصاویر شیئر کردیں

معروف گلوکار عاصم اظہر کی منگیتر و اداکارہ میرب علی کی نئی تصاویر سوشل میڈیا پر وائرل ہوگئیں۔

فوٹو اور ویڈیو شیئرنگ ایپ انسٹاگرام پر میرب علی نے نئی تصاویر شیئر کیں جس میں انہیں پرفضا مقام پر خوشگوار موڈ میں دیکھا جاسکتا ہے۔

میرب نے تصاویر شیئر کرتے ہوئے کیپشن میں لکھا کہ ’موسم سرما کا سورج میرا پسندیدہ سورج ہے۔‘

 

View this post on Instagram

 

A post shared by Merub Ali (@meruub)

اداکارہ نے چند گھنٹوں قبل یہ تصاویر شیئر کیں جسے مداحوں کی جانب سے پسند کیا جارہا ہے اور اس پر کمنٹس بھی کیے جارہے ہیں۔

ایک سوشل میڈیا صارف نے ’انہیں’دلوں کی ملکہ‘ قرار دیا۔‘ جبکہ دوسرے صارف  نے لکھا کہ ’تصویر میں سورج کہیں نظر نہیں آرہا ہے۔‘

واضح رہے کہ میرب سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

اداکارہ نے اے آر وائی ڈیجیٹل کے میگا کاسٹ ڈرامہ سیریل ’صنف آہن‘ میں یمنیٰ زیدی (شائستہ خانزادہ) کی بہن کا مختصر کردار نبھایا تھا۔

اس سے قبل ایک انٹرویو میں میرب علی کا کہنا تھا کہ ’ان کی زیادہ تر زندگی بیرون ملک گزری ہے لیکن  کیریئر کا آغاز ملک سے ہی کیا، یقین ہے کہ عمر کے حساب سے بہترین کردار مل جائیں گے۔‘

Comments

یہ بھی پڑھیں