بالی ووڈ کی ایک ماڈل و اداکارہ انڈسٹری میں سب سے زیادہ معاوضہ لینے والی اداکاراؤں میں سے ایک بن گئی ہے، اداکارہ اتراکھنڈ میں پیدا ہوئی اور وہیں پرورش پائی، انہوں نے مس دیوا، مس یونیورس انڈیا 2015 کا خطاب جیتا اور رواں سال مس یونیورس بھارت کی نمائندگی کرنے کے بعد شہرت حاصل کی۔
بھارتی میڈیا رپورٹ کے مطابق اداکارہ نے 15 سال کی عمر میں اپنے ماڈلنگ کیریئر کا آغاز کرتے ہوئے، 2013 میں سنگھ ساب دی گریٹ کے ساتھ اپنی اداکاری کا آغاز کرنے سے پہلے مس ٹین انڈیا 2009 کا ٹائٹل بھی جیتا تھا، اس کے بعد وہ صن رے، گریٹ گرینڈ مستی، ہیٹ اسٹوری 4 اور پاگل پنتی جیسی قابل ذکر فلموں میں اداکاری کے جوہر دکھائے۔
حال ہی میں اداکارہ ممبئی کے پریمیم ویل پارلے ویسٹ علاقے میں پرتعیش 3 بیچ ایچ کے اپارٹمنٹ کرایے پر لینے پر شہ سرخیوں یں رہیں، یہ گھر 3600 مربع فٹ پر مرکوز ہے اور اس دلکش گھر کا ماہانہ کرایہ 6 لاکھ روپے ہے۔
دراصل یہ اداکارہ اروشی روٹیلا ہیں جو شردھا کپور جیسی ستاروں کی صف میں شامل ہوتی ہیں، جو جوہو میں اپنے 3929 مربع فٹ کے اپارٹمنٹ کا بھی یہی کرایہ ادا کرتی ہیں۔
اروشی روٹیلا نے فلم ’سکندا‘ کے گانے ’کلٹ ماما‘ میں تین منٹ کی پرفارمنس کے تین کروڑ روپے وصول کیے جس سے اس کی فیس حیرت انگیز طور پر ایک کروڑ فی منٹ بن گئی۔
رپورٹ کے مطابق اروشی روٹیلا کی کل مالیت 550 کروڑ روپے ہے۔ وہ فلموں میں مرکزی کردار نبھاتی ہیں، فیشن شوز میں ریمپ واک کرتی ہیں اور بین الاقوامی برانڈز کی ایک سیریز کے لیے فوٹو شوٹ کرتی ہیں۔
اروشی نے دیپیکا پڈوکون (500 کروڑ روپے)، کترینہ کیف (265 کروڑ روپے)، کرینہ کپور (485 روپے) اور انوشکا شرما (255 کروڑ روپے) جیسی مشہور شخصیات کی مجموعی دولت کو پیچھے چھوڑ دیا ہے۔
