انتخابات میں مبینہ دھاندلی کی تحقیقات کے لیے پارلیمانی کمیٹی کا اجلاس طلب
The news is by your side.

Advertisement

انتخابات میں مبینہ دھاندلی کی تحقیقات کے لیے پارلیمانی کمیٹی کا اجلاس طلب

اسلام آباد: انتخابات میں مبینہ دھاندلی کی تحقیقات کے لیے پارلیمانی کمیٹی کا اجلاس طلب کر لیا گیا.

تفصیلات کے مطابق یہ اہم اجلاس کل سہ پہر 3 بجے پارلیمنٹ ہاؤس میں ہوگا، اجلاس کی صدارت سیکرٹری قومی اسمبلی کریں گے، اجلاس میں پارلیمانی کمیٹی کے چئیرمین کا انتخاب کیا جائے گا.

چئیرمین کے عہدے کے لیے حکومت نے پرویزخٹک کو نامزد کیا ہے، وزیراعظم عمران خان بھی پرویز خٹک کے نام کی منظوری دے چکے ہیں.

اس اجلاس میں کمیٹی کے ضوابط کار کی بھی منظوری دی جائے گی.


مزید پڑھیں: انتخابات میں مبینہ دھاندلی کی تحقیقات، حکومت اور اپوزیشن میں خفیہ مفاہمت کا انکشاف


مبینہ دھاندلی کی تحقیقات کے لیے پارلیمانی کمیٹی 30اراکان پر مشتمل ہے، کمیٹی میں 20 اراکان قومی اسمبلی اور 10 سینیٹرزبھی شامل ہیں.

پارلیمانی کمیٹی میں اپوزیشن اورحکومت کو برابر نمائندگی دی گئی ہے.

واضح رہے کہ انتخابات کے بعد اپوزیشن جماعتوں‌ کی جانب سے انتخابی نظام کی شفافیت پر شدید اعتراض اٹھائے گئے تھے، جس پر ردعمل دیتے ہوئے عمران خان نے اپنے اولین بیان میں دھاندلی کی تحقیقات کی پیش کش کر دی تھی.

واضح رہے کہ پبلک اکاؤنٹس کمیٹی کی سربراہی  کے معاملے پر ڈیڈ لاک برقرار ہے.

Comments

comments

یہ بھی پڑھیں