لندن : برطانوی شہزادے پرنس ہیری کی اپنی منگیترمیگھن مرکلے کے ساتھ نوٹنگھم آمد پرعوام نے پرتپاک استقبال کیا۔
تفصیلات کے مطابق شہزادے ہیری کی منگیتر میگھن مارکل پر قسمت مہربان ہے، برطانوی شہزادے ہیری امریکی اداکارہ میگھن مارکل سے منگنی کے بعد پہلی بار نوٹنگھم آمد پر لوگوں کو جوش و خروش قابلَ دید تھا۔
منگنی کے بعد پہلی مرتبہ جوڑے کے طور پر شہزادے اور میگھن نے عوام سے ملاقات کی ، لوگوں نے دل کھول کر میگھن مرکل کا استقبال کیا اور میگھن شہزادے ہیری کے ہمراہ عوام میں گھل مل گئیں۔
اس دوران لوگوں نے شاہی جوڑے کو تحائف بھی دیئے۔
پرنس ہیری اور میگھن کی موسم بہار میں شادی کی تیاریاں اور منصوبہ کی جارہی ہے۔
یاد رہے چند روز قبل برطانیہ کے شہزادے اور لیڈی ڈیانا کے چھوٹے صاحبزادے پرنس ہیری نے امریکی اداکارہ میگھن مرکل سے منگنی کی تھی۔
شاہی خاندان کی جانب سے اپنے آفیشل ٹوئٹر اکاؤنٹ پر پرنس ہیری اورمیگھن مرکل کی منگنی کا اعلان کرتے ہوئے کہا تھا کہ دونوں کی شادی دوہزاراٹھارہ کے موسم بہارمیں ہوگی۔
مزید پڑھیں : شہزادہ ہیری کی امریکی اداکارہ میگھن مرکل سے منگنی
تاہم اس شادی میں ملکہ برطانیہ الزبتھ شریک نہیں ہوں گی۔
خیال رہے کہ شہزادہ ہیری کی عمر32سال ہے جبکہ ان کی منگیترامریکی اداکارہ میگھن مرکل ان سے چار سال بڑی ہیں، یہ دونوں آپس میں گہرے دوست بھی ہیں۔
یاد رہے کہ دونوں شہزادوں کی والدہ لیڈی ڈیانا بھی کسی سلطنت کی شہزادی نہ تھیں۔
