The news is by your side.

Advertisement

میگھن مارکل اور پرنس ہیری کی شادی ختم ہونے والی ہے، ٹرمپ کا دعویٰ

نیویارک : سابق امریکی صدر ڈونلڈ ٹرمپ نے اس بات کا خدشہ ظاہر کیا ہے کہ میگھن مارکل اور شہزادہ ہیری کی شادی کسی بھی وقت ختم ہوسکتی ہے۔

غیرملکی خبر رساں ادارے کی رپورٹ کے مطابق یہ بات انہوں نے معروف ٹی وی پروگرام میں میزبان پیئرس مورگن کو انٹرویو دیتے ہوئے کہی۔

مرر آن لائن کی رپورٹ میں کہا گیا ہے کہ میگھن مارکل اور پرنس ہیری کا بظاہر یہ مضبوط رشتہ بہت برے انجام کو پہنچنے والا ہے، ڈونلڈ ٹرمپ کا کہنا تھا کہ میگھن ہیری کو کسی اور شخص کے لیے چھوڑ سکتی ہیں۔

سابق صدر کا کہنا تھا کہ مجھے لگتا ہے کہ جیسے ان دونوں نے اپنا ملک چھوڑ دیا، شاہی زندگی کو خیر باد کہا اور اب وہ کیلیفورنیا میں عیش و عشرت کی زندگی گزار رہے ہیں اب وہ اپنے شاہی القابات کو بڑے مالی فائدے کے لیے استعمال کرنا چاہتے ہیں۔”

ٹرمپ نے مزید کہا کہ جیسا کہ آپ جانتے ہیں کہ میں ایک بہت اچھا پیش گوئی کرنے والا رہا ہوں، میں نے پہلے بھی تقریباً ہر چیز کی پیش گوئی کی تھی اب یہ کہتا ہوں کہ یہ سب (شادی) جلد ختم ہوجائے گا۔

Comments

یہ بھی پڑھیں