جمعہ, فروری 14, 2025
اشتہار

معروف نعت خواں محبوب احمد ہمدانی خالق حقیقی سے جاملے

اشتہار

حیرت انگیز

لاہور : ملک کے معروف نعت خواں محبوب احمد ہمدانی طویل علالت کے بعد دنیائے فانے کوچ کرگئے، ان کا انتقال لاہور کے ایک نجی اسپتال میں ہوا، وزیر اعلیٰ پنجاب اور دیگر شخصیات نے ان کی وفات پر گہرے دکھ اور افسوس کا اظہار کیا ہے۔

محبوب احمد ہمدانی طویل عرصے سے کینسر کے عارضے میں مبتلا تھے ، انہیں کچھ روز قبل طبیعت زیادہ خراب ہونے پر نجی ہسپتال لاہور منتقل کیا گیا تھا جہاں دوران علاج وہ خالق حقیقی سے جاملے۔

ملک بھر کے سیاسی و سماجی حلقے ان کی وفات پر گہرے رنج و غم کا اظہار کیا ہے، اس حوالے سے وزیراعلیٰ پنجاب عثمان بزدار نے محبوب احمد ہمدانی کے انتقال پر اپنے گہرے دکھ اور غم کا اظہار کیا ہے۔

ان کا کہنا ہے کہ محبوب احمد ہمدانی نے نعت خوانی کو منفرد انداز سے آگے بڑھایا، وزیراعلیٰ نے سوگوارخاندان سے ہمدردی اور اظہارتعزیت کرتے ہوئے کہا کہ اللہ تعالی مرحوم کی روح کو اپنی جوار رحمت میں جگہ دے۔ آمین

واضح رہے کہ محبوب احمد ہمدانی نہ صرف خود معروف نعت خواں تھے بلکہ ان کے بھائی مرغوب احمد ہمدانی بھی حضور کی ثنا خوانی میں اپنا ایک مقام رکھتے ہیں انہوں نے اپنے نعت خواں بھائی مرغوب ہمدانی کے ہمراہ کئی دہائیوں تک نعت خوانی کی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں