اسلام آباد/ لاہور : محکمہ موسمیات نے آئندہ چار دن کے دوران ملک کے بالائی علاقوں میں مزید مون سون بارش کی پیشگوئی کی ہے۔
تفصیلات کے مطابق لاہور سمیت پنجاب کے مختلف شہروں میں موسلا دھار بارش کے بعد محکمہ موسمیات نے آج بھی ملک کے بیشتر شہروں کشمیر، اسلام آباد، بالائی پنجاب اور بالائی کے پی میں اکثر مقامات پر مزید بارش متوقع ہے۔
اس کے علاوہ ہزارہ، راولپنڈی، گوجرانوالہ اور لاہور میں بھی چند مقامات پر تیز بارش کا امکان ہے، ژوب، ڈی آئی خان، ڈی جی خان، ملتان،بہاولپور اور ساہیوال میں بارش متوقع ہے۔
محکمہ موسمیات کے مطابق ہزارہ، راولپنڈی، گوجرانوالہ، ڈی جی خان اور کشمیرکےندی نالوں میں طغیانی کا بھی خدشہ ہے جبکہ بارشوں سے لاہور، گوجرانوالہ، فیصل آباد اور راولپنڈی کے نشیبی علاقے زیرآب آسکتے ہیں۔
محکمہ موسمیات کے مطابق پشاور، بنوں، ڈی آئی خان میں بھی بارش ہوگی جس سے گرمی اورحبس کی شدت میں کمی آ جائے گی۔
