سینئر سیاستدان فواد چوہدری نے کہا ہے کہ محمود اچکزئی کا نوازشریف سے قریبی تعلق رہا ہے، ن لیگ میں محمود اچکزئی کےلیے احترام پایا جاتا ہے۔
اے آر وائی نیوز کے پروگرام سوال یہ ہے میں گفتگو کرتے ہوئے بانی پی ٹی آئی کےخلاف تحریک عدم اعتماد میں محمود اچکزئی کا بھی کردار تھا، عدم اعتماد میں تحریک تحفظ آئین پاکستان کے دیگر دوستوں کا بھی کردار تھا، تحریک تحفظ آئین پاکستان کے مختلف دوست نوازشریف کےساتھ کام کرچکے ہیں۔
فواد چوہدری نے کہا کہ اعظم نذیر تارڑ نے بتایا سینیٹ میں جلد اپوزیشن لیڈر کی تقرری ہوجائے گی، حکومت اور اپوزیشن میں کچھ نہ کچھ رابطے ہوئے ہیں جس کا خیرمقدم کرنا چاہیے۔
انھوں نے کہا کہ اچکزئی اپوزیشن لیڈر معاملے پر حکومت سے بات کرسکتے ہیں تو اسیران پر بھی بات کرینگے، امید ہے محمود اچکزئی اسیران کی رہائی سے متعلق حکومت سے بات کریں گے، سیاسی اور خصوصاً خواتین اسیران کی رہائی کی بات کی تو یہ بڑا اقدام ہوگا۔
سابق رہنما پی ٹی آئی نے کہا کہ نیشنل ڈائیلاگ کمیٹی کی وجہ سے پاکستان کی سیاست کا ماحول بدلا ہے، پی ٹی آئی کے بھی 90 فیصد لوگ چاہتے ہیں کہ ڈائیلاگ ہوں۔
فواد چوہدری نے کہا کہ حکومت نے فیصلہ کرنا ہے کہ ڈائیلاگ کو موقع دینا ہے یا نہیں، حکومت نے اپوزیشن لیڈر کی تعیناتی کرکے ڈائیلاگ کو موقع دیا ہے۔
انھوں نے کہا کہ فریقین میں ڈائیلاگ کے خواہشمند افراد کی تعداد بڑھ رہی ہے، ڈائیلاگ کے خواہشمند افراد کی تعداد بڑھنا پاکستان کے لیے اچھی خبر ہے، پی ٹی آئی چیئرمین نے بیان دیا پھر کےپی سے ایک وزیر نے کہا ایسا نہیں کہنا چاہیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں