The news is by your side.

Advertisement

دو نومبر حکومت کا آخری دن ثابت ہوگا،محمود الرشید

راولپنڈی : تحریک انصاف پنجاب کے رہنما محمود الرشید نے کہا ہے کہ اگر حکومت کارویہ ایسا ہی رہا تو دو نومبر حکومت کا آخری دن ہو گا۔

تفصیلات کے مطابق پولیس گھیراؤ میں پھنسے تحریک انصاف کے پنجاب اسمبلی میں اپوزیشن لیڈر محمود الرشید نے میڈیا سے بات کرتے ہوئے کہا کہ پنجاب حکومت کی فسطائیت کے سامنے گھٹنے نہیں ٹیکیں گے،حکومت غیر جمہوری اور غیر آئینی اقدام سے باز رہے۔

محمود الرشید نے کہا کہ پنجاب حکومت نے ٓمر کے دور کی یاد تازہ کردی ہے سیاسی کارکنان کو پابند سلاسل کیا جا رہا ہے اور احتجاج کرنےوالی عوام پر ڈنڈے برسائے جا رہے ہیں۔

انہوں نے کہا کہ صوبائی وزیر قانون رانا ثنااللہ ہمارے قائدین کے لیے گھٹیا زبان استعمال کررہے ہیں ان کا تحریک انصاف کے ساتھ لب ولہجہ سانحہ ماڈل ٹاؤن جیسا ہے۔

اپوزیشن لیڈر نے مزید کہا کہ اگر حکومت اپنی ہٹ دھرمی پر قائم رہے اور اسی طرح پنجاب کو پولیس اسٹیت بنائے رکھا تو دو نومبر کو عوام کا سیلاب حکومت کی کشتی ڈبو دے گا۔

ذرائع کے مطابق کارکنان کے ہمراہ محمودالرشید عوامی مسلم لیگ کے جلسے میں شرکت کے لیے راولپنڈی پہنچنے کی کوشش کر رہے تھے کہ پولیس کی بھاری نفری نے لاٹھی چارج کیا،شیلنگ کی اور متعدد کارکنان کو گرفتار کرلیا جس کے بعد تحریک انصاف کے کارکنان منتشر ہو گئے تھے۔

Comments

comments

یہ بھی پڑھیں