کراچی: تمغۂ امتیاز حاصل کرنے والے نامور پاکستانی اداکارہ مہوش حیات نے مسلمانوں سے امتیازی سلوک کرنے والی ایئرلائن پر عائد ہونے والے جرمانے پر خوشی کا اظہار کیا۔
سماجی رابطے کی ویب سائٹ ٹویٹر پر مہوش حیات نے لکھا کہ ’ایسے واقعات کی وجہ سے آج ہم یہاں تک پہنچ گئے مگر مجھے یہ سُن کر بڑی خوشی ہوئی کہ امریکی حکام نے ایئرلائن پر بھاری جرمانہ عائد کیا، یہ ایک بڑا تھپڑ ہے‘۔
مہوش نے لکھا کہ اب خیالات کو بدلنے کا وقت آگیا، لوگوں کو آپس میں رواداری اختیار کرنا ہوگی اور مذہب، پس منظر اور ظاہری حلیے کی تفریق سے نکلنا ہوگا۔
A nice slap on the wrists.. I am glad that the US authorities have fined the airline. It is a sad state of affairs that has bought us to this. Perceptions have to change and people have to be more tolerant of one another irrespective of background, religion or appearance. https://t.co/7HXPcwT8oK
— Mehwish Hayat TI (@MehwishHayat) January 27, 2020
یاد رہے کہ امریکا کے محکمۂ ٹرانسپورٹ نے دو روز قبل امریکی فضائی کمپنی ڈیلٹا ایئرلائنز پر مسلمان مسافروں کو جہاز سے اتارنے اور امتیازی سلوک روا رکھنے پر 50 ہزار ڈالر جرمانہ عائد کیا تھا۔
مزید پڑھیں: مسلم مسافروں سے امتیازی سلوک، امریکی ایئر لائن پر ہزاروں ڈالر جرمانہ
