کراچی: تمغہ امتیاز حاصل کرنے والی پاکستانی اداکارہ مہوش حیات ملک کے ساتھ بین الاقوامی سیاست پر بھی گہری نظر رکھتی ہیں یہی وجہ ہے کہ انہوں نے آئندہ امریکی صدر کے منتخب ہونے کے حوالے سے اپنے خیال کا اظہار کردیا۔
سماجی رابطے کی ویب سائٹ پر مہوش حیات نے اپنے ایک ٹویٹ میں اس خواہش کا اظہار کیا کہ ’امریکا کی اگلی صدر مشعل اوباما ہونا چاہیں‘۔
مشعل اوباما کے ٹویٹ کا جواب دیتے ہوئے مہوش حیات کا کہنا تھا کہ ’میں ذاتی طور پر ان کے کام سے بہت متاثر ہوں کیونکہ وہ اوباما فاؤنڈیشن کے لیے زبردست کام کررہی ہیں‘۔
اُن کا کہنا تھا کہ مجھے اس بات پر تعجب ہوگا کہ مشعل اوباما آئند انتخابات میں حصہ لینے کا اعلان کریں کیونکہ میرے خیال سے وہ بہت زبردست صدر ثابت ہوسکتی ہیں۔ مہوش حیات نے اپنے خیال کا اظہار کرتے ہوئے کہا کہ ’امریکا والوں آپ کا کیا خیال ہے؟‘۔
I do so admire @MichelleObama and the work that she is doing with the @ObamaFoundation. I wonder has she thought about standing in the elections next year? I think she’d make such a wonderful President. What do you say USA? #Michelleforpresident #2020election 🇺🇸 https://t.co/FumPOapzn7
— Mehwish Hayat TI (@MehwishHayat) December 23, 2019
یاد رہے کہ مشعل اوباما امریکا کی سابق خاتون اوّل اور بارک اوباما کی اہلیہ ہیں، صدارت ختم ہونے کے بعد سابق صدر اور اُن کی زوجہ فلاحی کاموں کے ساتھ دنیا بھر میں لڑکیوں کی تعلیم اور اُن کے حقوق کے لیے کام کررہی ہیں۔