کراچی: تمغہ امتیاز حاصل کرنے والی پاکستانی اداکارہ مہوش حیات نے کہا ہے کہ بچوں کو پولیو سے بچاؤ کے قطرے پلائیں۔
تفصیلات کے مطابق سماجی رابطے کی ویب سائٹ ٹویٹر پر نامور اداکارہ مہوش حیات نے ویڈیو پیغام جاری کیا جس میں انہوں نے کہا کہ آئیں پولیو ورکرز کو ان کے مشن میں کامیاب بنائیں۔
اداکارہ کا کہنا تھا کہ کیا آپ جانتے ہیں کہ 1166 ہیلپ لائن جس پر ہم کرونا وائرس کی معلومات حاصل کرنے کے لیے کالز کرتے ہیں، اصل میں پاکستان میں پولیو کے خاتمے کے لیے بنائی گئی ہے، صرف یہی نہیں جب سے کرونا ہمارے ملک میں آیا ہے اس ٹیم نے دن رات ایک کر کے وائرس کو کم کرنے میں اہم کردار ادا کیا ہے۔
Sharing an interesting bit of information with you all that I just found out & appreciating the work being done by our polio workers.Let’s help them succeed in their mission of a healthy #Pakistan by immunising young children against polio & other diseases regularly! #EndPolio 🇵🇰 pic.twitter.com/2G7tyzmTN6
— Mehwish Hayat TI (@MehwishHayat) July 11, 2020
مہوش حیات کا کہنا تھا کہ یہ ٹیم اپنے گھر والوں سے دور رہ کر اپنی جانوں کو خطرے میں ڈال کر دن رات کام کر رہی ہے تاکہ ہم سب صحت مند رہ سکیں۔
اداکارہ نے بتایا کہ کرونا وائرس کی سب سے زیادہ خطرناک بات یہ ہے کہ یہ بہت تیزی سے پھیلتا ہے اور اس کے خلاف ہمارے پاس کوئی ویکسین نہیں ہے، لیکن پولیو جیسی بیماریوں کی تو ہے۔
مہوش حیات نے گزارش کی کہ خدارا اپنے بچوں کو پولیو کے قطرے پلائیں،اور انہیں خوشگوار زندگی جینے کا موقع دیں۔اداکارہ نے ویڈیو پیغام کے آخر میں کہا کہ محفوظ رہیں،خوش رہیں۔
