کراچی: تمغۂ امتیاز حاصل کرنے والی پاکستانی اداکارہ مہوش حیات نے کرونا وائرس سے متاثرہ افراد کی جلد صحت یابی کے لیے دعا کی۔
سماجی رابطے کی ویب سائٹ ٹویٹر پر مہوش حیات نے اپنی ماسک لگی تصویر شیئر کی اور لکھا کہ ’میں سپر ہیرو بن کر کسی کو متاثر نہیں کررہی بلکہ سفر کے دوران احتیاطی تدابیر کی اختیار کرنے کی کوشش کررہی ہوں‘۔
مہوش حیات نے کرونا وائرس سے متاثرہ افراد کی جلد صحت یابی کے لیے دعا کرتے ہوئے کہا کہ ’ہمیں اس مشکل وقت میں چین کے ساتھ کھڑا ہونا چاہیے اور مجھے امید ہے کہ ہم اس بیماری پر قابو پالیں گے کیونکہ اس وقت ہوائی اڈوں پر بچے بھی خوف زدہ ہیں‘۔
No I am not channeling some inner superhero just taking precautions while traveling. I pray for all those suffering from the Corona Virus. We stand with China at this crucial time and hope to see a speedy end to the epidemic. Cannot go around frightening children at airports.. 🙅🏻♀️ pic.twitter.com/zs5EKI5flD
— Mehwish Hayat TI (@MehwishHayat) February 6, 2020
یاد رہے کہ چین کے شہر ووہانگ میں پھیلنے والے مہلک وائرس نے پوری دنیا کو اپنی لپیٹ میں لے لیا اور اب تک کرونا وائرس سے 500 سے زائد افراد مرچکے ہیں جبکہ چین سمیت مختلف ممالک میں ہزاروں کیسز رپورٹ ہوئے۔
پاکستان سمیت تمام ممالک نے چین یا بیرون ملک سے آنے والے مسافروں کی اسکریننگ شروع کردی تاکہ کرونا وائرس کی روک تھام کو یقینی بنایا جاسکے۔