The news is by your side.

Advertisement

اداکارہ مہوش حیات کی بچپن کی تصویر وائرل

کراچی: تمغہ امتیاز حاصل کرنے والی معروف پاکستانی اداکارہ مہوش حیات کے بچپن کی تصویر سوشل میڈیا پر وائرل ہوگئی۔

تفصیلات کے مطابق معروف پاکستانی اداکارہ مہوش حیات نے اپنے سوشل میڈیا اکاؤنٹ انسٹاگرام پر بچپن کی تصویر شیئر کی جس میں وہ مسکرا رہی ہیں اور سر پر کُلا بھی پہنا ہوا ہے۔

اداکارہ نے تصویر میں کیپشن لکھا کہ ’مجھے لگتا ہے کہ میں ٹھیک شہ بالا بن گئی ہوں۔

مہوش حیات کی تصویر پر اداکار یاسر حسین نے فوری جواب دیتے ہوئے کہا کہ ’میری شادی میں بھی بن جاؤ۔‘

واضح رہے کہ شہ بالا برصغیر میں ایک شادی کی رسم ہے جس میں دلہا کا بھتیجا یا کزن اس کے محافظ کے طور پر تقریب کے دوران دلہا کے ساتھ ہوتے ہیں۔

یاد رہے کہ اداکارہ مہوش حیات نے ایشیا کی 10 پرکشش ترین خواتین کی فہرست میں شامل ہونے پر ناخوشی کا اظہار کرتے ہوئے کہا تھا کہ ’لوگوں کو ان کے کام، ٹیلنٹ، میرٹ اور عقل کی بنیاد پر پرکھنا چاہیے ناکہ جسمانی خدوخال کی بنیاد پر‘۔

ایشیا کی پرکشش ترین خواتین کی ٹاپ 10 فہرست میں جگہ بنانے کے بعد سماجی رابطے کی ویب سائٹ پر ٹوئٹ میں ان خیالات کا اظہار کیا تھا۔

خیال رہے کہ برطانوی جریدے ’ویکلی ایسٹرن آئی‘ کی 2019 کی ٹاپ 10 پُرکشش ایشین خواتین کی فہرست میں پاکستانی اداکارہ ماہرہ خان اور مہوش حیات کو بھی شامل کیا گیا تھا۔

Comments

یہ بھی پڑھیں