site
stats
اے آر وائی خصوصی

میجر شبیر شریف شہید کا یوم شہادت آج منایا جارہا ہے

لاہور: میجر شبیر شریف شہید کا یوم شہادت آج منایا جارہا ہے۔ میجر شریف شہید وہ واحد شخصیت ہیں جنھیں نشان حیدر اور ستارہ جرات سے نواز گیا۔

دشمن کے خلاف مردانہ وار لڑنے پر میجر شبیر شریف کو آرمی کا سپر مین بھی کہہ کر پکارا جاتا تھا۔ آرمی چیف جنرل راحیل شریف کی طرف سے جی او سی مری میجر جنرل کلیم آصف نے میجر شبیر شریف شہید کی قبر پر پھولوں کی چادر چڑھائی۔

اس موقع پر میجر شبیر شریف کی بہن، بیٹا اور خاندان کے دیگر افراد بھی موجود تھے۔فرنٹیئر کور کے چاق و چوبند دستے نے بگل بجا کر برسی کی تقریبات کا آغاز کیا اور سلامی پیش کی۔

علاوہ ازیں پاک فوج کے میجر جنرل فداحسین نے بھی میانی صاحب قبرستان میں میجر شبیر شریف شہیدکی قبر پر پھولوں کی چادر چڑھائی۔

انیس اکہتر کی جنگ میں بھی میجر شبیر نے سلیناکی ہیڈ ورکس پر دشمن کا بہادری سے مقابلہ کیا اور چار بھارتی ٹینکوں کو تباہ اور تنتالیس بھارتی فوجیوں کونشان عبرت بنا ڈالا۔

انیس سو اکہتر کی جنگ میں دشمنوں کا بہادری سے مقابلہ کرتے ہوئے انہوں نے 6 دسمبر کو جام شہادت نوش کیا۔ پاکستان فوج کے لئے بے لوث خدمات کے اعتراف میں انھیں پاکستان کے اعلیٰ ترین فوجی اعزاز نشان حیدر سے نواز گیا۔ انھیں یہ اعزاز حاصل ہے کہ وہ نشان حیدر اور ستارہ جرات حاصل کرنے والی واحد شخصیت ہیں۔

میجر شبیر شریف کے قریبی عزیز میجر عزیز بھٹی بھی نشان حیدر حاصل کرنے والے خوش نصیبوں میں شامل ہیں۔ میجر شبیر شریف کے سگے چھوٹے بھائی جنرل راحیل شریف اس وقت پاکستان آرمی کے سپہ سالار کے طور پر فرائض سر انجام دیے رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top