تازہ ترین

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

قوم دہشتگردی کے خاتمے تک پاک فوج کے شانہ بشانہ کھڑی ہے، وزیراعظم

اسلام آباد: وزیراعظم شہباز شریف کا کہنا ہے کہ...

بچوں کو ان کے والدین سے جدا کرنے پر نفرت ہے، میلانیا ٹرمپ

واشنگٹن: امریکی خاتون اول میلانیا ٹرمپ نے میکسیکو مہاجرین سے متعلق پالیسی پر کہا ہے کہ مجھے بچوں کو ان کے والدین سے جدا کرنے پر نفرت ہے۔

برطانوی خبر رساں ادارے کے مطابق میلانیا ٹرمپ نے کہا ہے کہ بچوں کو ان کے والدین سے جدا کرنا ظلم ہے، امریکا میں دو ہزار خاندانوں کو ان کے بچوں سے علیحدہ کردیا گیا ہے۔

میلانیا ٹرمپ نے کہا کہ مسئلے کے حل کے لیے دونوں کو امیگریشن اصلاحات پر کام کرنا چاہئے، بچوں کو ان کے والدین سے جدا نہیں کرنا چاہئے۔

میلانیا ٹرمپ کا کہنا تھا کہ ہمیں ایسا ملک ہونا چاہئے جو تمام قوانین کی پاسداری کرے لیکن اس کے ساتھ ہی ہمیں ایسا ملک بھی ہونا چاہئے جہاں رحم دلی کی حکومت ہو۔

امریکی صدر کی پالیسی کے مطابق غیر قانونی تارکین وطن کو ان کے بچوں سے جدا کرکے واپس بھیجا جارہا ہے جبکہ بچوں کو شیلٹر ہوم میں رکھا جارہا ہے، ٹیکساس میں سینکڑوں افراد نے ٹرمپ کی زیرو ٹولیرنس پالیسی کے خلاف احتجاج کیا تھا۔

سابق امریکی صدر بش کی اہلیہ لارا بش نے کہا کہ ہماری حکومت کو یہ کام نہیں کرنا چاہئے کہ بچوں کو گوداموں میں ڈال دیں اور صحرا میں ان کے لیے خیمے لگادیں۔

لارا بش کا کہنا تھا کہ ان تصاویر کو دیکھ کر انہیں دوسری جنگ عظیم کے جاپانی امریکی جنگی قیدیوں کے کیمپوں کے مناظر تازہ ہوگئے، جنہیں اب امریکی تاریخ کا شرمناک دور سمجھا جاتا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

- Advertisement -