The news is by your side.

Advertisement

مادام تساؤ میوزیم میں میلانیا ٹرمپ کے مجسمے کی رونمائی

نیویارک: مادام تساؤ میوزیم میں امریکی خاتون اول میلانیا ٹرمپ کے مومی مجسمے کی رونمائی ہوئی، مجسمہ آئندہ ماہ واشنگٹن ڈی سی منتقل کیا جائے گا۔

غیر ملکی خبر رساں ادارے کے مطابق نیویارک کے مادام تساؤ میوزیم میں وائٹ ہاؤس کے سابق پریس سیکریٹری سین اسپائسر نے امریکی خاتون اول میلانیا ٹرمپ کے مجسمے کی رونمائی کی۔

مجسمے میں میلانیا ٹرمپ نے نیلے رنگ کا لباس زیب تن کیا ہوا ہے، بیس فنکاروں نے تین ماہ تک ٹرمپ کی ٹیم کے ساتھ وقت گزارا اور سابق ماڈل میلانیا کا مجسمہ تیار کیا ہے۔

مادام تساؤ میوزیم میں سیاحوں کی بڑی تعداد امریکی خاتون اول کا مجسمہ دیکھنے آئے گی، مومی مجسمے کو 31 مئی کے بعد واشنگٹن ڈی سی منتقل کردیا جائے گا۔

مادام تساؤ میوزیم میں سیاح میلانیا ٹرمپ کے ساتھ سیلیفیز بھی بنوا سکیں گے، جبکہ میوزیم میں داخلے کے لیے سیاحوں کو 29 ڈالرز ادا کرنا پڑیں گے اور عوام کی توجہ حاصل کرنے کے لیے ایم ٹی میلانیا موومنٹس کے نام سے ہیش ٹیگ بھی استعمال کیا جارہا ہے۔

اسپائسر کا کہنا ہے کہ میلانیا ٹرمپ ایک بہت ہی متاثر کن اور فیشن ایبل خاتون ہیں، مجھے نہیں لگتا کہ امریکی لوگوں نے ان کو اتنی اہمیت دی ہے جتنی انہیں دینی چاہئے تھی یا جتنی ان کی سیاست کی سمجھ بوجھ ہے۔

مزید پڑھیں: کترینہ کیف کا مجسمہ امریکی میوزیم مادام تساؤ میں نصب کردیا گیا 

واضح رہے کہ کچھ روز قبل بالی ووڈ اداکارہ کترینا کیف کا مجسمہ امریکی میوزیم میں نصب کیا گیا تھا، مادام تساؤ میوزیم میں بالی ووڈ کے دیگر اداکاروں شاہ رُخ خان، سلمان خان، ایشوریا رائے اور کرینہ کپور کے مجسمے بھی موجود ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں