برازیلیا: برازیل میں ایک شخص کی ندی میں موجود 17 فٹ لمبے ایناکونڈا کو کھینچنے کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق برازیل میں 17 فٹ لمبے سانپ کو سانٹا ماریا ندی کے نیچے سوشل میڈیا اسٹار سیرلی اولیویرا کے شوہر ہیٹنہو بورجیس اور ان کے دوست نے ایناکونڈا دیکھا اور پھر خود ہی اس کو پکڑنے کی کوشش کی جس کی ویڈیو وائرل ہوگئی۔
ویڈیو میں دیکھا جاسکتا ہے کہ خاتون اولیویرا اپنے شوہر کو پرتگالی زبان میں کہتی ہوئی نظر آرہی ہے ’چھوڑو، اے میرا خدا۔‘ جبکہ ان کے شوہر اپنے دوست کو بھی اناکونڈا پکڑنے کے لیے اکسارہے ہیں۔
— because men live less (@menlivesless) June 26, 2020
اولیویرا کے شوہر کئی بار اس کو کھینچتے ہوئے دیکھا گیا، سانپ گروہ کے چنگل سے آزاد ہوکر وہاں سے بھاگ گیا۔
ستمبر 2014 میں وائرل ہونے والی ویڈیو کو ٹویٹر پر تین دن قبل دوبارہ شیئر کیے جانے کے بعد دوبارہ وائرل ہوگئی، پرانی ویڈیو پر تین لاکھ سے زیادہ لائیکس اور صارفین کی جانب سے ہزاروں ردعمل دئیے گئے۔
Playing w the wrong animal
— MANNY (@Woodstock_D) June 27, 2020
فاکس نیوز کی رپورٹ کے مطابق ریاست مٹو گروسو ڈوسل میں ماحولیاتی پولیس نے اس گروپ کے ہر ایک فرد پر 600 ڈالر جرمانہ عائد کیا تھا۔