تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عجمان: مسجد میں چوری، پولیس ملزم کو گرفتار کرنے میں ناکام

عجمان : اماراتی ریاست عجمان میں مشتبہ شخص مسجد کے ڈونیشن باکس سے چندے کی رقم چوری کرکے فرار ہوگیا، ملزم کی گرفتاری کے لیے پولیس کا سرچ آپریشن جاری ہے۔

تفصیلات کے مطابق متحدہ عرب امارات کی ریاست عجمان کی پولیس نے مسجد میں نصب چندے کے باکس سے رقم چوری کرنے والا مبینہ ملزم تاحال فرار ہے، پولیس نے چوری کا مقدمہ درج کرکے تلاش شروع کردی۔

اماراتی پولیس کا کہنا ہے کہ سیکیورٹی ادارے کی ہیلپ لائن پر فجر کی نماز سے قبل مسجد میں چوری کی شکایت موصول ہوئی تھی، جس کے بعد پولیس نے ملزم کی گرفتاری کے لیے فوری طور پر اہلکاروں کو الرٹ کرتے ہوئے سرچ آپریشن کا آغاز کردیا تھا۔

اماراتی ریاست عجمان کے پولیس ترجمان کا کہنا ہے کہ پولیس تمام جرائم کی روک تھام کے لیے خدمات انجام دے رہی ہے لیکن ایسے جرائم جس سے مساجد کا تقدس و حرمت پامال ہو اس کی سختی سے مذمت کرتی ہے۔

اماراتی خبر رساں ادارے کا کہنا ہے کہ عجمان پولیس نے مسجد سے مبینہ طور پر چندے کی رقم چوری کرنے والے ملزم کو ریاست کی مختلف شاہراہوں پر نصب سیکیورٹی کیمروں کی مدد سے بہت جلد گرفتار کرلیا جائے گا۔

پولیس نے درخواست کی ہے کہ عوام شہر میں کسی بھی طرح کا جرم ہوتے دیکھیں تو فوری اس کی اطلاع پولیس کو دیں، اگر کوئی ریاستی قوانین کی خلاف کررہا ہے تب بھی اس کے متعلق متعلقہ حکام کو خبر کریں۔

خیال رہے کہ عجمان پولیس نے گذشتہ برس ایک سماجی خدمات انجام دینے والے ادارے سے خیراتی رقم چوری کرکے فرار اختیار کرنے والے ایک عرب شہری کو محض دو گھنٹے کے مختصر عرصے میں گرفتار کیا تھا۔

Comments

- Advertisement -