تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ذہنی صحت اور تندرستی سے متعلق اہم مشورے

ذہنی صحت  کے لیے کام کرنے والی ایک تنظیم نے  گھر میں رہتے ہوئے ذہنی صحت اور تندرستی  بحال رکھنے سے متعلق اہم تجاویز پیش کی ہیں۔

اس وقت دنیا کی بڑی آبادی کووڈ کے آئے روز آتے نئے ویرینٹ، کورونا کے باعث بڑھتی ہوئی معاشی بدحالی،بدلتے معمولات زندگی سمیت دیگر بے شمار مسائل کے باعث ڈپریشن کی کیفیت میں ہے اور ذہنی تناؤ نے لوگوں کی زندگی کو مزید مشکل بنادیا ہے۔

ذہنی صحت سے متعلق کام کرنے والی ایک  تنظیم  نے اس حوالے سے اہم تجاویز پیش کی ہیں جس پر عمل کرکے لوگ اپنی زندگی کو پریشان کن ماحول میں بھی پرسکون بناسکتے ہیں۔

فاؤنڈیشن نے 6نکات پر مبنی تجاویز میں کہا ہے کہ اپنے دن کی منصوبہ بندی کریں، ہر روز متحرک رہیں، تفریح کے مواقع ڈھونڈیں، دوسروں سے رابطے میں رہیں، غوروفکر  کرنے پر وقت صرف کریں اور اپنی نیند کو بہتر بنائیں۔

فاؤنڈیشن نے ان نکات کی وضاحت کرتے ہوئے کہا ہے کہ ہماری شناخت، خوداعتمادی اور مقصد کے لیے روزمرہ کے معمولات ضروری ہوتے ہیں، ہر روز چہل قدمی کرنے، تفریح، سماجی میل جول اور غوروفکر کے لیے ایک وقت مقرر کریں۔

متحرک رہنا ذہنی تناؤ کم کرتا ہے، اپنے روزانہ کے معمولات میں جسمانی نقل وحرکت اور مصروفیات کو شامل کرنے مختلف طریقے اپنائیں اور ایسے مشاغل دریافت کریں جو آپ کے لیے بہترین ثابت ہوں۔

آرام کرنا اور موجودہ حالات پر توجہ دینا آپ کی ذہنی صحت کو بہتر بنانے اور منفی احساسات کو کم کرنے میں مدد فراہم کرتا ہے، مراقبہ کرنے اور سانس لینے کی مشقیں آزمائیں، جب آپ پر تناؤ کا غلبہ ہو تو پٹھوں کو بتدریج ڈھیلا کرنے کا عمل آپ کو یہ جاننا سکھاتا ہے کہ پرسکون کس طرح سے ہونا ہے۔

تنہا رہنے سے گریز کریں اگر اپ گھر میں اکیلے رہتے ہیں تو اپنے ساتھی کارکنوں، دوستوں رشتے داروں سے رابطے میں رہنے کی کوشش کریں چاہے یہ ڈاک کے ذریعہ ہو یا فون، سوشل میڈیا چیٹ اور ویڈیو کے ذریعے گفتگو سے ہو۔

کیا کچھ اچھا جارہا ہے اس پر غور کریں تشکر کا ایک روزنامچہ رکھنے کی کوشش کریں جس میں اؔٓپ ہر رات سونے سے قبل کچھ چیزیں لکھ سکتے ہوں۔

بے یقینی کی کیفیت اور روزمرہ زندگی میں تبدیلیوں کا مطلب یہ بھی ہوسکتا ہے کہ آپ کو نیند میں دشواری کا سامنا ہے، اپنی نیند کو بہتر بنانے کے لیے روز مقررہ وقت پر بستر پر جانے اور بیدار ہونے کو یومیہ معمولات میں شامل کریں، بستر پر جانے سے ایک گھنٹہ قبل اپنے فون، ٹیبلیٹ، کمپیوٹر اور ٹی وی کا استعمال بند کردیں۔

سورج کی قدرتی روشنی حاصل کرنے کی کوشش کریں کیونکہ یہ آپ کی جسمانی گھڑی کو منظم کرنے میں مدد فراہم کرتی ہے جس سے بہتر نیند کے حصول میں آسانی ہوتی ہے۔

Comments

- Advertisement -