تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

میرے پاس تم ہو کا ’رومی‘ مستقبل میں کیا بننا چاہتا ہے؟

کراچی: اے آر وائی ڈیجیٹل کے مقبول ترین ڈرامہ سیریل میرے پاس تم ہو کے ’رومی‘ نے اپنے مستقبل کے حوالے سے بتادیا۔

تفصیلات کے مطابق اے آر وائی ڈیجیٹل کا مقبول ڈرامہ سیریل ’میرے پاس تم ہو‘ اختتام کی جانب گامزن ہے، 25 جنوری کو ڈرامے کی آخری قسط سنیما گھروں میں دکھائی جائے گی۔

ڈرامے میں دانش اور مہوش کے بیٹے کا کردار ادا کرنے والے سیش سجاد (رومی) نے ایک انٹرویو میں کہا کہ وہ مستقبل میں سائنسدان بننا چاہتے ہیں۔

سیش سجاد نے کہا کہ ڈرامے میں والدین کا کردار ادا کرنے والے ہمایوں سعید اور عائزہ خان نے سیٹ پر ان کا بہت خیال رکھا۔

رومی کا کہنا ہے کہ وہ اپنے ڈائیلاگز کی زیادہ پریکٹس نہیں کرتے تھے، بس ڈائیلاگز یاد کرنے کے بعد ڈرامے میں بول دیا کرتے تھے۔

مزید پڑھیں: ‘میرے پاس تم ہو’ کی آخری قسط سنیماؤں کی زینت بنے گی

ایک سوال کے جواب میں سیش سجاد کا کہنا تھا کہ ان کا بہترین ڈائیلاگ وہ تھا جب مہوش ان سے ملاقات کے لیے بورڈنگ اسکول پہنچیں اور وہ اپنے والد دانش کے ساتھ بورڈنگ اسکول پہنچے تھے۔

ڈرامے کے اختتام کے حوالے سے پوچھنے پر سیش نے کہا کہ انہوں نے ابھی تک اس بارے میں اپنے والدین کو بھی نہیں بتایا اور نہ وہ قسط نشر ہونے سے پہلے کسی کو بتائیں گے۔

واضح رہے کہ سیش سجاد گل ڈائریکٹر اور پروڈیوسر سجاد گل کے صاحبزادے ہیں جو اس سے قبل کئی کمرشل میں کام کرچکے ہیں جبکہ اُن کے یوٹیوب چینل پر 72 ہزار سے زائد فالوورز ہیں اور وہ ابھی تیسری جماعت میں پڑھ رہے ہیں۔

Comments

- Advertisement -