اے آر وائی ڈیجیٹل کے ڈرامہ سیریل ’میری زندگی ہے تو‘ میں ہانیہ عامر کی بہن ڈاکٹر فلک کا کردار نبھانے والی اداکارہ مشہور اداکارہ کی بہن ہیں۔
مہر جعفری پاکستانی فلمساز اور اداکارہ ہیں جنہوں نے کیریئر کا آغاز ٹھیٹر سے کیا، وہ کینیڈین، پاکستانی فلبرائٹ اسکالر شپ ہولڈر ہیں۔
انہوں نے متعدد فلموں اور ویڈیوز کی ہدایت کاری کی ہے، وہ کیمرے کے پیچھے بطور پروڈیوسر یا ڈائریکٹر کام کرنے کو ترجیح دیتی ہیں، ان دنوں مہر جعفری، ہانیہ عامر اسٹارر ’میری زندگی ہے تو‘ میں اداکاری کے جوہر دکھا رہی ہیں۔
مصدیق ملک کی ہدایت کاری میں بننے والے ڈرامے میں وہ ڈاکٹر فلک کے طور پر اداکاری کررہی ہیں، شائقین ان کے کردار کو پسند کررہے ہیں۔
مہر جعفری اداکارہ عینی جعفری کی بہن ہیں، عینی جعفری شادی کے بعد شوہر اور بیٹے کے ساتھ بیرون ملک مقیم ہیں اور شوبز انڈسٹری سے انہوں نے وقفہ لے لیا ہے۔
ڈاکٹر فلک، سینئر پاکستانی اداکارہ عذرا محی الدین کی بھانجی بھی ہیں جو ضیا محی الدین کی اہلیہ ہیں۔ عذرا، عینی اور مہر دونوں کی خالہ ہیں اور اکثر ساتھ تصاویر شیئر کرتی رہتی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں