The news is by your side.

Advertisement

میسی نے سب سے زیادہ گول کرنے کا قومی ریکارڈ اپنے نام کرلیا

بیونس آئرس : ارجنٹائن کے معروف فٹبالر لیونل میسی نے اپنے ملک کی جانب سے سب سے زیادہ گول کرنے کا ریکارڈ اپنے نام کرلیا.

تفصیلات کےمطابق معروف فٹبالر لیونل میسی نے یہ کارنامہ کوپا امریکہ کپ کے پہلے سیمی فائنل میں امریکہ کے خلاف سر انجام دیا، 28سالہ لیونل میسی نے اس میچ میں ارجنٹائن کی جانب سے مجموعی طور ہر 55واں گول کرکے اپنے ہم وطن گیبرئیل بیٹسٹوٹا کے 54 گول کرنے کے ریکارڈ توڑ دیا.

منگل کو کھیلے جانے والے کوپا امریکہ کے پہلے سیمی فائنل میں ارجنٹائن نے امریکہ کو چار صفر کے واضح فرق سے شکست دے کر فائنل کے لیے کوالیفائی کر لیا.

ارجنٹائن کی جانب سے ایزکوئل لاویسی نے لیونل میسی کی مدد سے میچ کا پہلا گول کیا، اس کے بعد میسی نے فری کک کے ذریعے شاندار گول کر کے اپنی ٹیم کی سبقت کو دگنا کر دیا.

ارجنٹائن کی جانب سے گونزولا ہیگوین نے مزید دو گول کر کے اپنی ٹیم کو کوپا امریکہ کپ کے فائنل میں پہنچا دیا.

میچ کے بعد میسی نے کہا کہ’میں بیٹسٹوٹا کا ریکارڈ توڑنے پر بہت خوش ہوں اور اس کے ساتھ ساتھ اپنے ساتھی کھلاڑیوں کا بھی شکریہ ادا کرنا چاہتا ہوں۔‘

Print Friendly, PDF & Email

Comments

comments

یہ بھی پڑھیں