The news is by your side.

Advertisement

کوپا امریکا فٹبال کپ کو کرپٹ قرار دینا میسی کو بھاری پڑ گیا، تین ماہ کی پابندی

سنٹیاگو: ارجنٹینا کی فٹبال ٹیم کے کپتان اور فیفا کے نامور کھلاڑی لیونل میسی پر تین ماہ کے لیے پابندی عائد کردی گئی۔

غیرملکی خبررساں ادارے کی رپورٹ کے مطابق لیونل میسی نے کوپا امریکا فٹبال کپ کو کرپٹ قرار دیا جو فیفا کے قواعد و ضوابط کی خلاف ورزی ہے، معروف فٹبالر  کو 50 ہزار ڈالر جرمانہ بھی ادا کرنا ہوگا۔

فیفا کے قوانین کی خلاف ورزی کرنے پر اسٹار فٹبالر آئندہ تین ماہ تک کوئی بھی بین الاقوامی فٹبال میچ نہیں کھیل سکیں گے، اس سے قبل بارسلونا کلب کے فارورڈر اور  لیونل میسی کو ارجنٹینا اور چلی کے درمیان ہونے والے مقابلے میں باہر کردیا گیا تھا جس کے بعد انہوں نے الزام عائد کیا کہ کپ برازیل کے لیے فکس کیا گیا۔

مزید پڑھیں: روک سکو تو روک لو، میسی نے 600 گولز کا سنگ میل عبور کر لیا

فیفا کی جانب سے جاری ہونے والے اعلامیے میں بتایا گیا ہے کہ لیوی میسی فیصلے کے ایک ہفتے کے اندر اپیل کرسکتے ہیں جس پر انہیں صفائی بھی پیش کرنا ہوگی۔

رپورٹ کے مطابق پابندی کے باعث وہ ارجنٹینا کے چلی، میکسیکو اور جرمنی سے ستمبر اور اکتوبر کے درمیان ہونے والے مقابلوں میں شرکت نہیں کرسکیں گے۔

Comments

comments

یہ بھی پڑھیں