اس صدی کے چند بہترین فٹبالرز میں سے ایک لیونل میسی کا دورہ بھارت نہ صرف ان کے لئے بلکہ بھارتی مداحوں کےلیے بھی ڈراؤنا خواب ثابت ہوا۔
بھارتی شائقین جو بڑی رقم دے کر ان کی ایک جھلک دیکھنے اور انھیں فٹبال کے ساتھ کھیلتا دیکھنے کےلیے گراؤنڈ آئے تھے انھیں مایوس اور افسردہ لوٹنا پڑا، بھارتی شائقین نے میسی کو بھارت بلانا فراڈ قرار دیتے ہوئے کہا کہ ان کا وقت اور پیسہ سب برباد ہوگیا۔
میسی کولکتہ کے اسٹیڈیم میں دیکھنے کےلیے آنے والے ایک ننھے فٹبال شائق نے کہا کہ ‘میں کچھ بھی نہیں دیکھ پایا، یہ پورا اسکیم تھا، پورا وقت برباد ہوگیا، یہ پوری طرح وقت کا ضیاع تھا جبکہ پیسے بھی برباد ہوگئے سب کچھ ضائع ہوگیا۔
ایک اور نوجوان مداح کا کہنا تھا کہ ایک دم گھٹیا ایونٹ تھا یہ، میسی صرف 10 منٹ کےلیے آیا سارے سیاستدان اور کارپوریٹ آفیسرز نے ان کو گھیر لیا، کچھ نہیں دیکھ پائے، نہ ہی ان سے کک آؤٹ کروایا نہ ہی ایک پنالٹی تک لی، کچھ نہیں کیا،
انھوں نے کہا کہ شاہ رخ خان کو بھی لانے کا کہا تھا مگر وہ لوگ کسی کو بھی لے کر نہیں آئے، صرف 10 منٹ کےلیے انھیں بھی لائے اور فراڈ کرکے چلے گئے، لوگوں کا پیسہ، جذبات اور وقت سب برباد ہوگیا، ہم لوگ کچھ نہیں دیکھ پائے۔
میسی کے آس پاس اتنی بھیڑ تھی، ہم لوگوں نے سوچا تھا کہ وہ ایک بار تو بال ٹچ کریگا اور فری کک بھی ہوگا یا پنلٹی شوٹ آؤٹ ہی رکھ دیا جائے گا مگر کچھ نہیں ہوا، میسی آیا دیکھا اور چلا گیا۔
فٹبال کے ایک اور مایوس مداح نے کہا کہ ہم لوگ میسی کو صحیح سے دیکھ ہی نہیں پائے وہ 10 منٹ بھی نہیں تھا صحیح سے، باہر سب لوگ دیکھ رہے ہیں مگر اندر سے ہم لوگ کچھ نہیں دیکھ پائے، ہم لوگ اسے ایک فراڈ کے علاوہ اور کچھ نہیں کہہ سکتے۔
بھارت میں اسٹار فٹبالر میسی پر مشتعل ہجوم کا بوتلوں سے حملہ، ویڈیو وائرل
اے آر وائی نیوز کی ڈیجیٹل ڈیسک کی جانب سے شائع کی گئی خبریں