کولکتہ: عالمی شہرت فٹبالر لیونل میسی کا دورہ بھارت ان کے لئے ڈراؤنا خواب بن گیا، سالٹ لیک اسٹیڈیم میں انتظامیہ کی بدترین نا اہلی کے باعث مشتعل ہجوم نےاسٹار فٹبالر میسی کی آمد کے موقع پر بوتلیں برسانا شروع کردیں۔
غیر ملکی میڈیا رپورٹس کے مطابق اخلاق سے عاری مشتعل ہجوم نے اسٹار فٹبالر میسی کے پوسٹر توڑے، بوتلیں پھینکی اور احتجاج شروع کر دیا کیونکہ انہیں اس بات کا احساس ہوا کہ اسٹیڈیم میں رسائی اور نظر آنے کی سہولیات توقع کے مطابق نہیں ہیں۔
رپورٹس کے مطابق صورتحال جلد ہی کشیدہ ہو گئی اور سیکیورٹی میں مزید اضافہ کردیا گیا، میسی صرف 10 منٹ اسٹیڈیم میں موجود رہے اور دیگر VVIPs کے ساتھ انہیں فوری طور پر گراؤنڈ سے روانہ کردیا گیا۔
Fans boo officials and politicians, with bottles also thrown, as a security breach forces Lionel Messi to cut short his stadium lap at Salt Lake Stadium. pic.twitter.com/uS9qU8F74v
— Khel Now (@KhelNow) December 13, 2025
اسٹار فٹبالر کے مداحوں کی بڑی تعداد جو گھنٹوں سے ان کی جھلک دیکھنے کے لئے بے چین تھی، میسی کو قریب سے نہ دیکھنے پر مایوس ہوگئے۔
میسی نے سب سے قیمتی کھلاڑی کا ایوارڈ جیت لیا
رپورٹس کے مطابق سوشل میڈیا پر منظرنامے کی ویڈیوز گردش کررہی ہیں، ویڈیوز میں ہنگامہ اور انتشار واضح دکھائی دے رہا ہے، یہ معاملہ عالمی سطح پر بھارت کے لئے شرمندگی کا باعث بن رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں