The news is by your side.

Advertisement

رواں سال بھی معمول سے زیادہ مون سون بارشیں، محکمہ موسمیات نے کراچی والوں کو خبردار کردیا

کراچی : محکمہ موسمیات نے مون سون سیزن میں کراچی میں معمول سے زیادہ بارشوں کی پیش گوئی کرتے ہوئے کہا ہے کہ بارشوں کا آغاز جون کے آخری ہفتے سے ہونے کا امکان ہے۔

تفصیلات کے مطابق محکمہ موسمیات نے پاکستان میں مون سون بارشوں کی پیشگوئی کرتے ہوئے کہا مختلف علاقوں میں اس سال معمول سےزیادہ بارشیں متوقع ہے۔

کراچی میں مون سون سیزن میں بادل کھل کے برسنے کی پیشگوئی کی اور کہا بارشوں کاآغازجون کےآخری ہفتےسےہونےکاامکان ہے اور مون سون کاپہلا اسپیل 27جون سے 30جون تک متوقع ہے جبکہ پنجاب، سندھ ،کےپی میں اربن فلڈنگ کے خدشات ہیں۔

مون سون کاسیزن جولائی سےستمبر3ماہ پرمشتمل ہوتاہے، اس دوران جنوبی وشمالی پنجاب اورسندھ میں معمول سے زائد بارشیں ہوں گی۔

دوسری جانب کراچی میں آج بھی تیز ہواؤں کاسلسلہ جاری رہےگا اور زیادہ سے زیادہ درجہ حرارت 34-36ڈگری سینٹی گریڈ رہنے کا امکان ہے تاہم رات کےاوقات میں بونداباندی کاامکان ہے۔

یاد رہے ڈائریکٹرمیٹ سردار سرفراز نے ملک میں مون سون کی بارشوں کے حوالے سے گفتگو کرتے ہوئے کہا تھا کہ گرمی کا بڑھنا مون سون موسم کےلئےاچھا ہے، موجودہ گرمی کی لہر مزید 2روزتک برقراررہےگی۔

سردار سرفراز کا کہنا تھا کہ کراچی میں اگلے چندروزتک موسم خوشگواررہےگا، مون سون کی بارشیں معمول سےزیادہ ہونےکاامکان ہے، کراچی میں بھی مون سون میں زیادہ بارشیں ہوسکتی ہیں۔

Comments

یہ بھی پڑھیں